Калит сўзлар: Wеb-саҳифа, Wеb-сайт, Wеb-сервер, html, xml, хhtml, wмl, клиент-сервер технологияси. Ишдан мақсад

1. Wеb-саҳифа, Wеb-сайт, Wеb-сервер

Wеb-технологияни (Интернет-технология) ўрганишни Wеb-дизайннинг қуйидаги учта тушунчасини ўрганишдан бошлаймиз:

1. Wеb-саҳифа;
2. Wеb-сайт;
3. Wеb-сервер.

Технология грек тилидан (techne) таржима қилганда санъат, махорат, билиш маъноларини англатади, булар эса ўз навбатида жараёнлардир. Жараёнлар - бу қўйилган мақсадга эришиш учун маълум харакатлар мажмуасидир.

Wеb-саҳифа - ўзининг уникал адресига эга бўлган ва махсус кўриш дастури ёрдамида (браузер) кўрилувчи ҳужжатдир. Унга матн, графика, овоз, видео ёки анимация маълумотлар бирлашмаси - мултимедияли ҳужжатлар, бошқа ҳужжатларга гипермурожаатлар кириши мумкин.

W еb-сайт - бир қанча Wеb-саҳифаларнинг мантиқий бирлашмаси.
Wеb-сервер - тармоққа уланган компютер ёки ундаги дастур ҳисобланиб, умумий ресурсларни клиентга тақдим этиш ёки уларни бошқариш вазифаларини бажаради. Интернет тармоғини фойдаланувчиларга тармоқ ресурсларидан эркин фойдаланиш имкониятини берадиган Wеb- серверларсиз тасаввур этиб бўлмайди. Бундай серверларда Интернетда тақдим этилган ахборотнинг катта қисми жамланган.
Wеb-серверлар маълумотлар базалари ва мултимедияли маълумотларни бир бирига мослаштиради. Wеb-серверда Wеb-саҳифа ва Wеb-сайтлар сақланади.
Wеb-серверда мижоз компютери тизимини ташкил қилишнинг умумий тамойиллари нуқтаи назаридан мижоз-сервер теҳнологиялари ишлатилади.
Ҳозирги кунда оддий Wеb-серверни яратиш теҳнологиясини анча оддий вазифа деб ҳисобласа бўлади. Асосий қийинчилик сервер саҳифасини бадиий безашдан иборат.


2. Интернет теҳнологияси ҳақида



Интернет тармоғининг ишлаш принсIPи ТСP/IP (Transmission Control Protocol/Internet Protocol - маълумотларни узатиш қайдномаси/ Интернет қайдномаси) компютер тармоғида маълумотларни узатиш қайдномалари мажмуининг номидир. ТСP/IP жумласи ўз ичига Transmission Control Protocol(ТСP) ва Internet Protocol(IP) қайдномалар номларини бирлаштириб олган қайднома бўлиб, у шундай қоидалар мажмуики, ТСP/IP барча компютер ишлаб чиқарувчи компанияларнинг мосламавий ва дастурий таъминот хамкорлигини таъминлайди. Бу қоида жумладан, ТСP/IP пакети билан ишловчи Digital Equipment фирмаси компютерларидан PC компютерларига мурожат қилишни кафолатлайди. ТСP/IP очиқ қайднома, бу шуни билдирадики, қайднома хақидаги барча маълумотлар чоп этилган ва ундан барча очиқ фойдаланади.

Кўпчилик фойдаланувчилар ТСP/IP ни битта дастур деб ўйлашади. Аксинча, у тармоқнинг бир вақтнинг ўзида маълумот узатиш учун ишлаб чиқилган, ўзаро боғланган қайдномаларнинг бутун бир дастурлар оиласидир. ТСP/IP тармоқнинг дастурлар қисми бўлиб, у ТСP/IP оиласидаги хар битта қисм маълум бир аниқ мақсадга қаратилган: электрон почталарини юбориш, системага олис масофалардан киришни таъминлаш, файлларни манзилларга жўнатиш, хабарларга йўл кўрсатиш ёки тармоқлардаги бузилишларни талқин қилиш. ТСP/IP Интернет глобал тармоғида кенг фойдаланувчи қайдномалардир. У хам йирик корпоратив тармоқларда, шунингдек, компютерлар сони оз бўлган локал тармоқларда хам қўлланилади.