Кафедра «Железнодорожные станции и узлы»

Саралаш тепалиги оператори (сигналчи)– бу вагонларни тарқатиш учун масъул мутахассис.

1.4-расм. Саралаш тепалиги операторининг иш жараёни
Саралаш тепалиги операторининг лавозим мажбуриятларига қуйидагилар киради:

• 
  механизатсиялашган ва автоматлаштирилган саралаш тепалиги бошқарув пультидан таркибларнинг тарқалишини бошқариш;
  
• 
  саралаш паркининг бўғзида манёвр ҳаракатларини ва таркибларни тарқатиш жараёнида узилмалар йўналиши маршрутларини тайёрлаш учун марказлаштирилган стрелкаларни ўтказиш ва сигналларни бошқариш.
  
• 
  узилмалар орасидаги интервалларни сақлаш ва вагонларнинг рухсат этилган бир бирига уланиш тезликларини назорат қилиш;
  
• 
  назорат ва ўлчаш асбоблари кўрсатгичлари бўйича саралаш қурилмаларининг тўғри ишлашини назорат қилиш;
  
• 
  узилмалар йўналишларининг саралаш вароқи маълумотлари бўйича мослигини кузатиш.
  

Вагонлар ҳаракат тезлигини мувофиқлаштирувчиси – бу саралаш тепалигида ёки тортув йўлида вагонлар ёки вагонлар гуруҳини (узилмалар) тарқатиш жараёнида уларнинг тезлигини тормоз бошмоқлари ёки махсус қурилмалар ёрдамида назорат қилувчи мутахассис ҳисобланади.

1.5-расм. Вагонлар ҳаракат тезлигини мувофиқлаштирувчисининг иш жараёни
РСДВининг лавозим мажбуриятларига қуйидагилар киради:

• 
  саралаш тепалигида ёки тортув йўлида вагонлар ёки вагонлар гуруҳини тарқатиш жараёнида уларнинг тезлигини тормоз бошмоқлари ёки махсус қурилмалар ёрдамида назорат қилиш;
  
• 
  саралаш парки йўллари сиғимидан тўлиқ фойдаланишни таъминлаш;
  
• 
  вагонларни тарқатиш тугаллангандан сўнг саралаш парки йўлларида вагонларнинг жойлашувини текшириш;
  
• 
  саралаш қурилмалари томонидан тормоз бошмоқлари билан хавфли юклар ортилган вагонларни ва саралаш парки йўлларини тўсиш;
  
• 
  таркибни тарқатиш тугаллангандан сўнг тормоз бошмоқларини йиғиш ва тормоз позитсияларига жойлаштириш;
  
• 
  саралаш парки йўлларида вагонларни олиб ўтиш, суриш ва зичлашда иштирок этиш;
  
• 
  йўлларда турган вагонларни тормоз бошмоқлари билан маҳкамлаш ва уларни олиб қўйиш;
  
• 
  қатъий ҳисобга олинадиган қўл остидаги қурилмалар созлигини ва тормоз бошмоқлари сонини сақланишини таъминлаш;
  
• 
  бошмоқларни йиғиш қурилмалари ҳолатини текшириш ва носоз тормоз бошмоқларини ўз вақтида алмаштириш.