Kadrlar tayyorlash milliy dasturi ni amalga oshirish uzluksiz ta’lim tizimining tuzilmasi va mazmunini zamonaviy fan yutuqlari va ijtimoiy tajribaga tayangan holda tub islohotlarni ko’zda tutadi

10-§. CHALA DOMINANTLIK
G. Mendel tomonidan o‘tkazilgan bu tajribada bir belgi ikkinchi belgi ustidan to‘liq dominantlik qiladi. Ammo organizm belgilarining irsiylanishida to‘liqsiz dominantlik hodisasi ham uchraydi. Ingliz olimi U. Betson o‘z tajribalaridan birida qora (AA) va oq (aa) patlarga ega tovuq zotlarini o‘zaro chatishtirdi. Olingan F1 avlod (Aa)ning hammasi havorangli patga ega bo‘lgan. F2 da esa duragaylar 3 xil fenotipik sinfga ajralish beradi, ya’ni 1/4 qismi qora, 2/4 qismi havorang, 1/4 qismi oq bo‘ldi. Genotipik va fenotipik ajralish nisbati 1:2:1 bo‘ldi.
5-jadval

To’liq dominant (AA)	Chala dominant (Aa)	Retsessiv (aa)
Tovuq pati qora	Havvorang	Oq
G’o’za tolasi rangi qo’ng’ir	Novvotrang	Oq
Nomozshomgul gultojbarglari rangi qizil	Pushti	Oq
Odamlarda soch tolasi jingalak	Taram-taram	Silliq
Qulupnayning mevasi qizil	Pushti	Oq

Namunaviy masalalar:
1-masala. G‘o‘za tolasining qo‘ng‘ir rangi gomozigota holatdagi gen bilan ifodalanadi. Ushbu genning retsessiv alleli oq rangni yuzaga keltiradi. Geterozigota holdagi individlarda tolasi novvotrangda bo‘ladi.
a) Qo‘ng‘ir tolali bilan oq tolali g‘o‘za navlari chatishtirilganda F1 da 1800 ta o‘simlik olingan. Shundan nechtasining tolasi novvotrangda bo‘ladi?
b) F1 o’zaro chatishtirilganda qanday natija chiqadi?