K. Sh. Baltayeva, Sh. R. Aliyev

1.3. Egilgan, spiralsimon bakteriyalar:
Vibrionlar – tanasi bir muncha egilgan tayoqchalar. Ulardan ayrim-
lari bitta xivchinli bo‗lib, uzunligi 1–3 mkm gacha boradi. Bunday 
vibrionlar spora hosil qilmaydi va grammanfiy belgiga ega bo‗ladi. 
Ko‗pgina saprofit va patogen shakldagi vibrionlar asosan suvda 
yashaydi. 
Spiroxetalar. 
Spiroxetalar (17-rasm) spiralsimon bir hujayrali organizm bo‗lib, 
uzunligi 7 dan 500 mkm, diametri 0,25- 6 mkm.ga teng. Spiroxetalar 
differensial yadroga ega emas. Ular hujayra qobig‗iga va sitoplazmatik 
silindrga ega. Hujayra ichida sitoplazmatik spiral bo‗lib, u o‗qi ip 
to‗plamlari bo‗lib o‗ralgan fibril tolalaridan tashkil topgan. Tarkibida 

---

39 
xitinsimon modda – qutin saqlaydi. Odatda, qutin faqat hayvonlardagina 
uchraydi. Spiroxetalar juda harakatchan, ular bakteriyalar bilan sodda 
jonivorlar orasida, o‗tish guruhi hisoblanadi. Spiroxetalar orasida 
patogenlari bo‗lib, qaytalama tif, sifilis va leptospiroz qo‗zg‗atuvchilari 
hisoblanadi. Ular Romanovskiy – Gimza usulida bo‗yaladi. 
 
17-rasm. Spiroxetalar 
 
1.4. Aktinomitsetlar. 
Nursimon zamburug‗lar yoki aktinomitsetlar 
tuban o‗simlik bo‗lib, bir hujayrali organizm hisoblanadi. Asosan 
tuproqda ko‗p tarqalgan. Ularning hujayralari nozik iplar shaklida bo‗lib 
(giflar), diametrlari 0,2-1 mkm ga teng bo‗ladi. 
Aktinomitsetlar bakteriyalar va zamburug‗larga o‗xshashdir. Ular 
bakteriyalar kabi nukleotid turidan yadroga ega, bir xujayradan iborat, 
qobig‗iga ega, gram musbat. Zamburug‗lar kabi ipsimon butog‗ shakliga 
ega. Iplar bir-biriga o‗ralib miseliylarni hosil qiladi. Ular sporalar 
yordamida ko‗payadi. Aktinomitsetlar sanoat ahamiyatiga ega. Ularning 
ba‘zi bir turlaridan antibiotiklar olinadi. Ba‘zi bir aktinomitsetlar 
insonlarda aktinomikoz kasalligini keltirib chaqiradi.