K. N. Nishonboyev. J. H. Xamidov

individualligi qonuni  orqali ifodalanadi. 
Hujayralar bo‘linishi davrida har bir  xromosoma  xuddi o‘ziga o‘xshash  
xromosomani  hosil qiladi. Bu xromosomalar uzluksizligi qonunidir. 
Somatik  xujayralarda  xromosomalarning to‘liq, juft (diploid) to‘plami, 
gametalarda esa toq (gaploid) to‘plami mavjud. 
Yadrocha. Elektron mikroskop orqali tekshirilganda yadrochaning ipsimon va 
donador qismlardan tashkil topganligini ko‘rish mumkin. (5-rasm). Ipsimon qism 
yiirik boshlang‘ich RNK molekulalari bilan oqsil komplekslaridan  tashkil topgan. 
Yetilish jarayonida fibrillalar ribonukleoproteid  donalarga aylanib, donador qismni 
tashkil qiladi. Ribonukleoproteidlar preribosomalar bo‘lib, sitoplazmada 
ribosomalarni  hosil qiladi. 
Yadrochada ribosoma RNKsi (rRNK)ning sintezi, yetilishi va oqsillar bilan 
birlashishi sodir bo‘ladi. rRNK genlari  xromosomalarning ma'lum qismlariga 
joylashgan bo‘lib, yadrocha  hosil qiluvchilar deyiladi.