К. М. Рафиков – Ўзбекистон касаба уюшмалари Федерацияси раиси

номуайян муддатга тузилган
деб ҳисобланади. Номуайян муддатга тузилган меҳнат шартномаси 
ходимнинг розилигисиз муайян муддатга, шунингдек муайян ишни 
бажариш вақтига мўлжаллаб қайта тузилиши мумкин эмас. 
Меҳнат шартномаси қуйидаги мақсадда 
дастлабки синов шарти
билан тузилиши мумкин: 
•
ходимнинг топширилаётган ишга лаёқатлилигини текшириб кўриш; 
•
ходим меҳнат шартномасида шартлашилган ишни давом 
эттиришнинг мақсадга мувофиқлиги ҳақида бир қарорга келиши. 
Дастлабки 
синовни 
ўташ 
ҳақида 
меҳнат 
шартномасида 
шартлашилган бўлиши лозим. Бундай шартлашув бўлмаган тақдирда 
ходим дастлабки синовсиз ишга қабул қилинган деб ҳисобланади. 
Дастлабки синов муддати уч ойдан ошиб кетиши мумкин эмас.
Ҳомиладор аёллар, уч ёшга тўлмаган боласи бор аёллар, корхона 
учун белгиланган минимал иш жойлари ҳисобидан ишга юборилган 
шахслар, ўрта махсус, касб-ҳунар таълими муассасаларининг ҳамда олий 
ўқув юртларининг тегишли таълим муассасасини тамомлаган кундан 
эътиборан уч йил ичида биринчи бор ишга кираётган битирувчилари ишга 
қабул қилинганда, шунингдек ходимлар билан олти ойгача муддатга 
меҳнат шартномаси тузилиб, ишга қабул қилинганда дастлабки синов 
белгиланмайди. 
Айрим ҳолатларда бундай меҳнат муносабатларининг ҳуқуқий 
асослари бирмунча мураккаброқ хусусиятга эга бўлади (лавозим ёки 
хизмат вазифасига сайланиш ёки тайинланиш, бўш иш жойига танлов 
асосида ишга қабул қилиш, тузилган меҳнат шартномаси юзасидан суд 
қарорининг чиқарилиши ва ҳоказолар). 
Масалан, давлат органларидаги сайлаб қўйиладиган лавозимларга 
сайланганлиги туфайли ишдан озод қилинган ходимларга сайлаб 
қўйиладиган лавозимдаги ваколатлари тугагандан кейин аввалги иши 
(лавозими) берилади, бундай иш (лавозим) мавжуд бўлмаса, аввалгисига 
тенг иш (лавозим) берилади. 
Шу билан бирга ҳарбий хизматга чақирилган (ўтган) ходим резервга 
бўшатилган ёки истеъфога чиққанидан кейин, башарти, Ўзбекистон 
Республикаси Қуролли Кучлари сафидан, Ички ишлар вазирлиги, Миллий 
хавфсизлик хизмати ва Фавқулодда вазиятлар вазирлиги қўшинларидан 

---

503 
бўшатилган кунидан бошлаб узоғи билан уч ой ичида ишга жойлашиш 
масаласида иш берувчига мурожаат этган бўлса, аввалги иш жойида ишга 
жойлашиш ҳуқуқига эгадир. 
Меҳнат муносабатлари ўзига хос хусусиятларга эгадир: 
биринчидан,