К ириш (фалсафа доктори (Phd) диссертацияси аннотацияси) Диссертация мавзусининг долзарблиги ва зарурати

Тадқиқотнинг илмий янгилиги қуйидагилардан иборат:
тўқимачилик тармоғида фаолият юритаётган кичик бизнес ва хусусий тадбиркорлик субъектлари инновацион салоҳиятини «аъло» (2,1-2,5), «яхши» (1,51-2,0), «ўрта» (0,51-1,5) ва «ёмон» (0-0,5) интеграл оралиқ натижалари ёндашувига кўра баҳолаш асосланган;
кичик бизнес ва хусусий тадбиркорлик субъектлари рақобатбардошлигини оширишда инновацион ривожланиш омиллари аҳамиятлилик даражасини тренд индикаторлар ёрдамида аниқлаш афзаллиги асосланган;
Наманган вилоятида тўқимачилик фаолияти билан шуғулланаётган кичик бизнес ва тадбиркорлик субъектлари рақобатбардошлигини оширишда “ақлли” тўқимачилик маҳсулотлари ишлаб чиқаришда “ақлли” тўқималардан материаллар”, “микрочиплар билан материаллар”, “техник тўқимачилик маҳ-сулотлари” каби инновацион йўналишлардан фойдаланишнинг мақсадга мувофиқлиги асосланган;
кичик бизнес ва хусусий тадбиркорлик субъектида инновацияни ривож-лантиришга йўналтирилган тадбирлар самарадорлигини баҳолаш ходимлар инновацион ғояларини баллар асосида баҳолаш негизида такомиллаш-тирилган.
Тадқиқотнинг амалий натижалари қуйидагилардан иборат:
Тадқиқотнинг амалий натижаси шундан иборатки, диссертацияда ишлаб чиқилган ғоя ва таклифлар мамлакатимиз қайта ишлаш тармоғида кичик бизнес ва тадбиркорлик фаолиятида инновациялардан фойдаланиш самарадорлигини ошириш ҳисобига ушбу субъектларнинг мамлакатимиз ва жаҳон бозорларидаги рақобатбардошлилик даражаларини ошириш имконини беради. Ушбу таклифларни жорий қилиш натижасида қайта ишлаш тармоғидаги тадбиркорлик фаолияти субъектларининг самарадорлиги ортишига ва фойдалилик даражасининг 7-7,5 фоизга ортишига имконият яратилади. Бу маҳсулот сифатинини яхшиланиши ва нархларининг бир оз пасайиши ҳисобига амалга оширилди.
Тадқиқот ишида ишлаб чиқилган амалий таклиф ва тавсиялардан Ўзбекистон Республикаси қайта ишлаш тармоқлари ва инновацион ривожланиш вазирликлари фаолияти бўйича мақсадли давлат дастурлари ҳамда чора-тадбирлар тизими ишлаб чиқилишида фойдаланиш мумкин. Олинган натижалар мамлакатимизни 2019-2021 йилларга мўнжалланган Инновацион ривожланиш стратегиясида қўйилган асосий вазифаларга тўла мос келади.
Шунингдек, диссертация материалларидан олий ўқув юртларида “Инновацион менежмент”, «Кичик бизнес ва хусусий тадбиркорлик» ва “Корхона иқтисодиёти ва менежменти” фанлари ўқув дастурларини такомиллаштиришда ҳамда ўқитиш жараёнида фойдаланиш мумкин.