К ириш (фалсафа доктори (Phd) диссертацияси аннотацияси) Диссертация мавзусининг долзарблиги ва зарурати

Диссертация мавзусининг диссертация бажарилган олий таълим муассасасининг илмий-тадқиқот ишлари режалари билан боғлиқлиги. Диссертация иши Наманган муҳандислик-технология институтининг “Кичик бизнес ва хусусий тадбиркорликни барқарор ривожлантиришнинг устувор йўналишлари”га мос илмий-тадқиқот ишлари режаси доирасида бажарилган.
Тадқиқотнинг мақсади. Кичик бизнес ва тадбиркорликнинг рақобатбардошлилигини таъминлаш мақсадида инновациялардан фойдаланиш самарадорлигини ошириш бўйича илмий асосланган назарий ва амалий таклиф ва тавсиялар ишлаб чиқишдан иборатдир.
Тадқиқотнинг вазифалари қуйидагилардан иборат:
- кичик бизнес ва тадбиркорликнинг ривожланишида инновацияларнинг ўрни ва ролини баҳолаш;
-мамлакатимизда (хусусан, Наманган вилоятида) кичик бизнес ва тадбиркорликнинг ривожланишининг истиқболларини таҳлил қилиш, ҳусусиятлари ва камчиликларини аниқлаш;
-кичик бизнес ва тадбиркорликнинг инновацион салоҳиятини таҳлил қилиш ва баҳолаш;
- кичик бизнес ва тадбиркорликнинг ривожланишида инновациялардан фойдаланиш ва қўллашга таъсир этувчи омилларни аниқлаш мақсадида тизимли таҳлил қилиш;
- мамлакатимизда (хусусан, Наманган вилоятида) кичик бизнес ва тадбиркорликнинг инновацион ривожланишининг асосий йўналишларини аниқлаш;
- кичик бизнес ва тадбиркорликнинг рақобатбардошлилигини оширишда инновациялардан фойдаланиш самарадорлигини ошириш бўйича таклиф ва тавсиялар ишлаб чиқиш.
Тадқиқотнинг объекти сифатида Наманган вилоятида тўқимачилик фаолияти билан шуғулланаётган кичик бизнес ва тадбиркорлик субъектлари олинган.
Тадқиқотнинг предмети бўлиб, мамлакатимизда фаолият кўрсатаётган кичик бизнес ва тадбиркорлик фаолияти субъектларида амалга оширилаётган инновацион жараёнлар ва уларни самарадорлигини ошириш ҳисобланади.
Тадқиқотнинг усуллари. Тадқиқотда иқтисодий, қиёсий, таҳлил қилиш ва танлама кузатиш, статистик ҳамда кўп омилли эконометрик таҳлил услублари, прогнозлаш ва бошқа усуллар қўлланилган.