Jizzax politexnika instituti yer usti transport tizimlari kafedrasi

YHXB ning asosiy vazifalari va faoliyat yo‘nalishlari quyidagilardan iborat:

- yo‘l harakatini boshkarish, transport kommunikatsiyalari, shuningdek unga yondosh hududlarda turli huqukbuzarliklarga qarshi kurashishning zamonaviy talab hamda andozalariga mos tarzda xavfsizligi va samaradorligini ta’minlash;

- YHXBning markaziy dispetcherlik xizmati va axborot-kompyuter markazini o‘z ichiga oluvchi, butun shahar avtomobil xo‘jaligi bo‘yicha ma’lumotlarni, transport kommunikatsiyalari, haydovchilar, transport vositalari, yo‘l-transport hodisalari va yo‘l harakati xavfsizligi hamda jamoat tartibini ta’minlashda foydalaniladigan boshqa tezkor ahamiyatga ega bo‘lgan axborotlarni yig‘ish va tahlil qilishni ta’minlaydigan yo‘l harakati xavfsizligi boshqaruvining kompyuterlashtirilgan kommunikatsiyaviy tizimini barpo etish va undan samarali foydalanish;

- avtomototransport vositalarini ro‘yxatlash va hisobga qo‘yish, o‘quv muassasalarida haydovchilarni tayyorlash va qayta tayyorlashni nazorat qilish ishlari samaradorligini ta’minlash, yo‘nalishga chiqish oldidan transport vositalarini to‘liq ko‘rikdan, haydovchilarni tibbiy ko‘rikdan o‘tkazish, yo‘lovchilarni tashishdagi noqonuniy faoliyatning oldini olish va bartaraf etish, litsenziya olish hamda avtotransport vositalarining lozim darajada va xavfsiz ish sharoitini ta’minlash bilan bog‘liq qonun talablarining tashuvchilar tomonidan so‘zsiz bajarilishi bo‘yicha tadbirlarni davlat boshqaruvi idoralari bilan o‘zaro hamkorlikda amalga oshirish;

- yo‘llar, ko‘chalar, temir yo‘l inshootlari va o‘tish joylarining ahvoli, ularning yo‘l harakati xavfsizligi talablariga mosligi ustidan samarali monitoring va nazoratni tashkil etish, transport kommunikatsiyalarini kompyuter va boshqa texnologiyalardan foydalangan holda yo‘l harakatini tartibga solishning zamonaviy texnik vositalari bilan jihozlash, yo‘l- transport hodisalarini izchil tahlil etish va ularning oldini olish choralarini ko‘rish;