СЎЗ БОШИ
Мамлакатимизни ижтимоий-иқтисодий ривожлантириш бўйича устувор вазифаларга мувофиқ кадрлар тайёрлашнинг мазмунини тубдан қайта кўриб чиқиш, халқаро стандартлар даражасида олий маълумотли мутахассислар тайёрлашга зарур шарт-шароитлар яратиш мақсадида Ўзбекистон Республикаси Президентининг 2017 йил 20 апрелдаги Олий таълим тизимини янада ривожлантириш чора-тадбирлари тўғрисидаги ПҚ-2909-сон қарори қабул қилинди.
Кадрлар тайёрлаш жараёнида мутахассисларни назарий билимларини амалиётда қўллашга ўргатиш касбга йўналтиришдаги муҳим бўғим бўлиб ҳисобланади. Талабаларни бўлғуси касб фаолиятига амалий жиҳатдан самарали тайёрлашда педагогик амалиётнинг ўрни беқиёсдир. Талабаларни касб фаолиятига тайёрлаш амалдаги ўқув режасидаги ҳамма мутаҳассислик предметлар томонидан таъминланади
Узлуксиз ўқув ва педагогик амалиёт жараёнида қуйидаги вазифалар ҳал қилинади:
-талабаларда педагогик касбга бўлган муҳаббатини, жисмоний тарбия ўқитувчиси бурчини сезиш туйғусини тарбиялаш;
-назарий билимларни бойитиш, чуқурлаштириш, мустаҳкамлаш ва уларни амалиётда қўллаш, жисмоний тарбия тизимининг ҳар-хил звеноларида машғулот олиб боришда рейтинг назорати ўтказиш ва асосий шаклларни баҳолашга ўргатиш;
-жисмоний тарбия ўқитувчисининг касб фаолияти кўникмаларини, шахсий касб сифатларини ҳамда малакаларни ривожлантириш ва шакллантириш;
-ўз касбига бўлган билим талабини ошириш;
-талабаларда илмий тадқиқот ишларига бўлган қизиқишни ривожлантириш;
-жисмоний тарбия ва спорт соҳасида тадқиқот малакасини шакллантириш, машғулотлар жараёнида ўргатиш ва тарбиянинг энг самарадор усулларини излаш;
- талабаларни жамоа учун фойдали фаолиятларга жалб қилиш ва ўқув муассасаларида жисмоний тарбия ва спорт ишларини яхшилашга ёрдам бериш;
-талабаларни ўқув-тарбиявий, спорт-соғломлаштириш ишларини ташкил қилишда илғор тажрибалардан фойдаланишга ижодий ёндошишни ўргатиш;
Талабалар педагогик амалиёт жараёнида қуйидаги педагогик касб асосларини эгаллашлари шарт:
-ўқувчиларнинг ёши ва индивидуал хусусиятларини ҳисобга олган ҳолда ўқув- тарбиявий вазифаларни аниқлаш;
-ўқувчилар шахсини ва жамоасини ўрганиб чиқиш;
-педагогик фаолиятида жорий ва кўп йиллик режалаштиришни амалга ошириш, ўқув тарбия жараёнини назорат қилиш ва баҳолаш;
-ўқув- ўрганиш жараёнида раҳбарликни амалга ошириш, билим бериш, тарбиялаш вазифаларини тўғри қўйиш ва ечишни амалга ошириш, ҳаракатларга ўргатишда зарур воситаларни тўғри танлаш ва қўллаш;
-жисмоний машқ машғулотлари жараёнида шуғулланувчилар шахсини шакллантириш;
-ўқувчилар билан тарбиявий ишларни олиб бориш ва уларни ўз-ўзини тарбиялашга йўналтириш;
-фаолларга ва жамоага тарбиявий таъсир этувчи усулларни аниқлаш, назоратни ташкил қилиш, ишни таҳлил қилиш ва якунлаш;
-жисмоний тарбия ва спорт соҳасида ташвиқот ва тарғибот ишларини амалга ошириш;
-Саломатлик куни‖ни ўтказиш;
-жойларда турли ўйинларни ташкил қилиш.
Do'stlaringiz bilan baham: |