«жисмоний тарбия ва жисмоний маданият» ихтиссослиги буйича iy боскич талабалари учун умумтаълим мактабларидаги педагогик амалиёт

“Жисмоний маданият” ихтисослиги бўйича 4-босқич талабалари учун умумтаълим мактабларидаги педагогик амалиёт

Д А С Т У Р И
Мақсади: «Таълим тўғрисида»ги Қонунидан келиб чиққан ҳолда бўлажак жисмоний тарбия ўқитувчисининг юксак профессионал, педогогик ва психологик хусусиятларини тарбиялаш, талабаларда жисмоний тарбия ўқитувчиси касбига нисбатан қизиқишни уйғотиш, уларда жисмоний тарбия дарсларини юксак савияда ташкил қилиш ва ўтказиш малакаларини шакллантириш, машғулотлар жараёнида инновацион технологиялардан фойдаланишга ўргатиш.

Вазифалари:

• 
  ҳар бир талабада педагогик фаолиятга нисбатан фуқаролик (онгли, қизиқарли) муносабатини шакллантириш;
  
• 
  ижтимоий – сиёсий, умуммаданият ва психологик – педагогик фанларни чуқур ўрганишга ижобий таъсирини ошириш, ўқитувчилик фаолиятининг турли функцияларини самарали амалга оширишга ёрдам берадиган зарур шахсий хусусиятларни тарбиялаш;
  
• 
  талаба томонидан факультетда махсус фанлардан олинган билимларни чуқурлаштириш ва мустаҳкамлаш, бу билимлардан амалий иш жараёнида ижодий фойдаланишга ўргатиш;
  
• 
  мактаб ўқувчилари жисмоний тарбиясини ташкил этишнинг турли хил шакллари билан танишиш ва уларни амалга оширишда фаол қатнашиш;
  
• 
  психология, педагогика, хусусий методикалардан олинган билимларга таяниб, талабаларни педагогик фаолиятининг турли кўринишларини ижодий ташкил этиш ва амалга оширишга ўргатиш: кичик, ўрта ва юқори синф ўқувчилари билан ўқув ишларини ташкил қилиш, мактаб кун тартибидаги соғломлаштириш тадбирларини ва синфдан ташқари ишларни ташкил этиш;
  

Ташкилий тадбирлар:

• 
  битирувчи босқич талабалари педагогик амалиётининг мазмуни ва уни ташкил этишга бағишланган факультет анжуманида қатнашиш. Мактаб педагогик жамоаси: директор, бўлим мудири, синф раҳбари, жисмоний тарбия ўқитувчиси билан суҳбат;
  
• 
  мактаб ўқув–тарбия иш режасига асосан амалиёт даври учун шахсий иш режасини тузиш;
  
• 
  амалиёт раҳбари, факультет ва мактаб маъмурияти томонидан ўтказиладиган бригада йиғлишида қатнашиш;
  
• 
  якуний анжуманда қатнашиш.