Жисмоний маданият ва спортнинг

Ҳалқаро спорт ҳаракатлари тарихи
Режа:

1. 
   Халқаро спорт ташкилотларининг вужудга келиши.
   
2. 
   Халқаро олимпия қўмитасининг ташкил этилиши, унинг конгресслари.
   
3. 
   Халқаро ишчилар спорти ирқчилик ва фашизмга қарши кураш.
   

1. 
   Халқаро спорт ташкилотларининг вужудга келиши.
   

Халқаро спорт (ХС) ва Олимпия ҳаракатининг (ОҲ) вужудга келиши XIX асрнинг охирги йилларига тўғри келади. Бу даврларда осойишталик тарихий жараёнлар бўлаётган бир пайт эди.
ХС ва ОҲнинг вужудга келиш сабаблари расмий манбаъларда қуйидагича изоҳланган. Улар билан қисқача шарҳ сифатида танишиш мумкин бўлади.
Ижтимоий-иқтисодий сабаблар. Халқаро спорт алоқаларининг вужудга келиш сабабларидан бири, жаҳондаги мамлакатларда ижтимоий-иқтисодий ва маданий жараёнларнинг ривожланишида, деб билим зарур бўлади. XIX асрнинг охирларида Германия, Англия, Франция, АҚШ, Россия, Италия каби тараққий қилган давлатлар иқтисодий ва маданий жиҳатдан анча юқори даражага кўтарилди. Ишлаб чиқариш, фан –илм, таълим тез ривожланди. Бу жараёнлар ишлаб чиқариш, халқаро уюшмалар (иттифоқ), тритлар, картеллар, синдикатларни ташкил этиш билан биргаликда давом этди. Европа мамлакатлари ва Америкада илмий-техник тараққиёт жараёнининг маҳсули сифатида алоқа ва коммуникаця воситалари юзага келди. Чегараланган кичик доирадаги миллий жараёнлар жамият тараққиётига путур етказа бошлади (ўсишга тўсқинлик). Бундай шароитда турли соҳалар бўйича халқаро муносабатларни кучайтириш, яъни иқтисодий, илмий, маданий ва спортдаги алоқаларни боғлаш қонуният даражасига етишди.
XIXаср охири нисбатан тинч-осойишталик пайди бўлди. Франция-Япония урушидан (1870-1871) ва Париж Коммунасидан (1871) бошлаб, рус-япон урушигача (1904-1905) ва Россиядаги биринчи инқилобгача (1905-1907) жаҳонда ҳечқандай йирик урушлар бўлмаган эди. Бундай ҳолат мамлакатларнинг халқаро алоқалари ва спортни ривожлантиришга қулайлик яратди.