Жисмоний маданият ва спортнинг

Олимпия ўйинлари
Хельсинкидан то Сиднейгача. Урушдан кейинги йилларда жаҳон жамоатчилиги Хельсинкида бўладиган олимпия ўйинларини сабрсизлик билан кутар эди. Чунки унда илк бор СССР спортчилари ҳам қатнашиши аниқ эди.
XV олимпия ўйини, 1952 йил Хельсинки (Финляндия), олимпиадада Германия федератив Республикаси (ГФР) ҳечқандай тўсиқсизликлар асосида иштирок этди. Лекин Германия демократик республикаси (ГДР) ўйинларга қўйилмади. Олимпиадада 11 та жаҳон ва 47 та олимпия рекордлари ўрнатилди. Совет штангачилари, гимнастикачилари, курашчилари, ўқ отувчи ва греблячилари катта ютуқларга эришди. Олимпия медаллари учун кураш асосан СССР, АҚШ, Венгрия ва Швеция мамлакатлари ўртасида кескин равишда ўтди. АҚШ-76 ва СССР-71 медалларни қўлга киритди. Венгерлар 16 та олтин, 10 кумуш ва 16 та бронза медалларига сазовор бўлишди ва учинчи ўринни эгаллашди. Чехия спортчиси Эмиль Затопек марафонда ва 5.10 км.га югуришда ғолиб чиқди.
XVI олимпия ўйини, 1956 йил Мельбурн (Австралия). Ўйинлар ўтказилиши халқаро муносабатларининг кескинлашуви даврига келди. Шундай бўлсада ўйинлар кескин курашлар остида олиб борилди. Енгил атлетика, сузиш, оғир атлетика, ўқ отиш турлари бўйича 19 та жаҳон ва 65 та олимпия рекордлари ўрнатилди. В.Кдц (СССР) 5 ва 10 км масофага югуришда ғолиб келди. Совет спортчилари 98 та олтин, кумуш ва бронза медалларига эга бўлиб, 624,5 очко билан олимпия чемпиони бўлишди. Шу сабабли Австралия матбуотлари СССР Американинг олимпия ўйинларидаги 60 йиллик ҳукумронлигини кучга чиқарди, деб ёзишган эди.
Венгрия, Чехословакия, Руминия, Польша ва ГДР (ГФР билан қўшилган ҳолда) муваффақиятли иштирок этишди.
XVII олимпия ўйини, 1960 йил Рим Совет спортчилари 103 та олтин, кумуш ва бронза медалларини эгаллашга эришди. АҚШ спортчилари эса 71 медалларни эгаллади. Советларнинг 11 енгил атлетикачиси олтин медал соҳиби бўлишди. Р.Шавлакадзе ва В.Брумель баландликка сакрашда жаҳон рекордчиси Д.Томас (АҚШ) устидан ғолиб келишди. Гимнастикачилар 5 та олтин ва оғир атлетикачилар 1 та кумуш медалга сазовор бўлишди. Ю.Власов уч курашда 537.5 кг (жаҳон ва олимпиаданинг янги рекорди) натижа билан энг яхши спортчи деб тан олинди. Шунингдек қиличбозлар, велосипедчилар, парус ва от спортчилари ҳам олтин медалларга сазовор бўлишди. Олимпиадада Руминия, Венгрия, Польша, Чехословакия, Болгария, ГДР (қўшма жамоа) яхши натижаларни қўлга киритишди. Эфиопия, Марокко, Гана каби Африка мамлакатларининг баъзи спортчилари ҳам яхши натижаларга эришди.