2.
|
Жиноят ҳуқуқи
|
ОН сони:
Жиноят-ҳуқуқий фаолият йўналиши талабалари 10 та казус;
ОН шакли: ёзма
ОН ўтказиш тартиби: Ёзма имтиҳон шаклидаги оралиқ назоратини ўтказишда имтиҳон саволлари, вазиятли масалаларни ўз ичига олади Бунда имтиҳон вақтида уларга адабиётлар ва норматив-ҳуқуқий ҳужжатлардан фойдаланишга имконият берилади.
|
Жиноят ҳуқуқи модули бўйича тегишли қонун ҳужжатлари, Ўзбекистон Республикаси Олий суди Пленуми қарорларини чуқур таҳлил қилиш қобилиятига эга бўлиши;
Жиноят ҳуқуқи модулига оид муаммолар юзасидан умумий билим намойиш этиш;
Жиноят ҳуқуқи қонунчилигини такомиллаштириш ва амалиётда қўллаш юзасидан муаммоларни танқидий ўрганиш ва таҳлил қилиш;
Жиноят ҳуқуқи модулига оид кейслар юзасидан ижодий фикрлай билиш;
Жиноят ҳуқуқи модули бўйича кейслар юзасидан тўғри хулоса ва натижаларга келиш, шунингдек жиноят-процессуал ҳуқуқига оид норматив-ҳуқуқий ҳужжатлар юзасидан конструктив фикр бериш ва анализ қилишга ҳаракат қилиш;
Жиноят ҳуқуқи модули бўйича кейслар юзасидан танқидий фикрлаш ва муаммоли вазиятларда соҳага оид норматив-ҳуқуқий ҳужжатлар ёрдамида оптимал ечимлар топиш;
Жиноят ҳуқуқи модули бўйича кейслар юзасидан мустақил изланиш олиб бориш натижасида келтирилган ёзма фикрларни техник, грамматик, стилистик ва орфографик жиҳатдан тўғри расмийлаштириш;
мамлакатимизда олиб борилаётган ислоҳотларнинг мазмуни билан боғлай олиш ва мустақил фикрини билдира олиш;
|
1. Самадов ва Давидовлар 2015 йил 11 июнь куни соат 08:00 ларда, Юқори Чирчиқ туман тиббиёт бирлашмасида даволанаётган 2000 йилда туғилган Фазлиддиновнинг диагностика ва даволаш стандартларига тўлиқ мос бўлган ҳолда тиббий кўрикдан ўтказмасдан туриб, унга «ўткир гастрит ўнг сон суяги гематоген остиомиелит, «сепсис» ташхисини қўйган ва Ўзбекистан Республикаси ССВнинг бўйруғи талабларига риоя қилмасдан, дислокация бўйича иш юритмай, сан-авияция чақирмасдан, бош шифокор ва бўлим мудири билан келишмаган ҳолда уларга беморни тезда Тошкент шаҳрига олиб бориш кераклигини ва сан-авияция хизматидан шифокор чақиришнинг зарурияти йўқлигини тушунтириб, оддий малакасиз фельдшер орқали беморнинг оғир аҳволдалигига қарамасдан ноаниқ бўлган манзилни тез ёрдам машинаси ҳайдовчиси ва фельдшерга тушунтириб, Тошкент шаҳрига жўнатиб юборган. Натижада травматолог Самадов томонидан қўйилган нотўғри ташхис туфайли бемор Тошкент шаҳрининг турли хил шифохоналарига олиб борилган ва охир-оқибат Фазлиддинов Тошкент шаҳар 1-сонли юқумли касалликлар шифохонасида вафот этган.
Суд тиббий экспертизасининг 2015 йил 23 июль кунги 294-сонли хулосасига кўра, Фазлиддиновнинг ўлими ўткир ўпка-юрак қон томирлари етишмовчилигидан юз берганлиги, мурдасининг танасида жароҳатлар ва уларнинг излари топилмаганлиги, у ҳаётлигида икки томонлама ўпкалар зотилжам касаллиги билан хасталанганлиги ва бу касаллик ўлим юз бериши билан сабабий боғлиқлиги аниқланган.
Вазиятга ҳуқуқий баҳо беринг, жиноят таркиби белгиларини аниқланг.
Жиноят объектив томони зарурий ва факультатив белгиларини мазкур вазиятга боғлаб тушунтиринг.
2. Фуқаролик ишлари бўйича суднинг 2005 йил 31 январь кунги қарорига кўра, Хушвақтовдан Хушвақтованинг фойдасига икки нафар вояга етмаган фарзандларининг таъминоти учун ҳар ойлик иш ҳақи ва бошқа даромадларининг 1/3 қисми миқдорида алимент тўлаши белгиланган бўлса-да, 2013 йил 1 февралдан 2016 йил 1 апрель кунига қадар жами 12.572.827 сўм алимент пулларини тўлашдан қасддан бўйин товлаб келган.
Хушвақтов суд мажлисида, айбига қисман иқрор бўлиб, у Хушвақтова билан 1998 йил 30 октябрь куни қонуний никоҳдан ўтиб, турмуш қурганлигини, оилавий низолар натижасида 2003 йилда ажрашиб кетишганлигини, ўрталарида икки нафар фарзандлари борлигини, шундан кейин Рахимова фуқаролик судига ариза билан мурожаат қилганлигини, фуқаролик ишлари бўйича туманлараро суднинг 2005 йилдаги қарорига асосан ундан ҳар ойлик иш ҳақининг ва бошқа даромадларининг 1/3 қисми миқдорида алимент ундириш белгиланганлигини, у 2013 йил 1 февралдан 2016 йил 1 апрель кунига қадар алимент пулларини тўлиқ тўлашга имкони бўлмаганлигини, шу вақт мобайнида имкони борича алимент пулларини тўлаганлигини, Artel заводида ишлаган вақтида ойлигидан алимент пуллари ўтиб турганлигини, кейинчалик завод ёпилганлигини, кейин яна алимент тўлашнинг имкони бўлмаганлигини, соғлиги яхши эмаслиги сабабли ишлай олмаганлигини, алимент пулларини ҳозир тўлаб беришга имконияти йўқлигини, ҳеч ким унга қарз бермаслигини, келгусида ишга кириб, ойма-ой тўлаб беришини, муқаддам ҳам алимент пулларини тўламаганлиги сабабли судланганлигини, ҳозирда у оилали эканлигини, бироқ ҳали расмий равишда никоҳдан ўтишмаганлигини, қарамоғида уч нафар болалар борлигини, шундан икки нафари вояга етмаганлигини баён қилиб, унга нисбатан енгил жазо беришни сўраган.
|
