Jinoyat ishini sudda ko’rish uchun tayinlash vaqtida sudya qabul qiladigan

Protsess ishtirokchilarini jinoyat ishi materiallari bilan tanishtirish

Sudya jinoyat ishi sudda muhokama qilichuchun tayinlanganidan so‘ng prokuror, himoyachi, jamoat ayblovchisi, jamoat himoyachisi, shuningdek sudlanuvchi, jabrlanuvchi, fuqaroviy da'vogar, fuqaroviy javobgar va ularning vakillariga, basharti ular dastlabki tergov davrida ish materiallari bilan tanishtirilmagan bo‘lsalar, ishdagi barcha materiallar bilan tanishib chiqishlari va o‘zlari uchun zarur bo‘lgan ma'lumotlarni ko‘chirib olishlariga imkoniyat yaratishi shart (JPK 402-m.).
Sudya o‘z qarorida ko‘rsatilgan shaxslarni sud majlisiga chaqirish to‘g‘risida farmoyish beradi, ularga chaqiruv qog‘ozi topshirilishini ta'minlaydi, shuningdek sud majlisiga tayyorgarlik bilan bog‘liq boshqa choralarni ko‘radi (JPK 403-m.).
Sudning jinoyat ishini qo‘shimcha tergovga qaytarish va ishni tugatish to‘g‘risidagi ajrimi ustidan ayblanuvchi, jabrlanuvchi xususiy shikoyat berishi va prokuror xususiy protest bildirishi mumkin (JPK 404-m.).
Jinoyat ishini sudda muhokama qilishga tayinlash to‘g‘risida sudyaning qarori chiqarilgan vaqtdan boshlab ko‘pi bilan o‘n sutkada sud ishni ko‘rishni boshlashi lozim. Jinoyat ishini ko‘rib chiqish boshlangan vaqtdan e'tiboran uzog‘i bilan ikki oy ichida sud uni mazmunan hal etishni tugatishi lozim.
Ushbu moddaning ikkinchi qismida nazarda tutilgan muddatni, birinchi instansiya sudining ajrimiga asosan, Qoraqalpog‘iston Respub- likasi jinoyat ishlari bo‘yicha Oliy sudining, jinoyat ishlari bo‘yicha viloyat, Toshkent shahar sudlarining, O‘zbekiston Respublikasi Harbiy sudining raisi to‘rt oygacha uzaytirishi mumkin.
Sudlarda jinoyat ishlarini ko‘rib chiqish muddatini to‘rt oydan ko‘prohha uzaytirishga alohida hollarda faqat murakkab va ko‘p voqeali ishlar bo‘yicha yo‘l qo‘yiladi. Birinchi instansiya sudining ajrimiga asosan, besh oygacha bo‘lgan bunday uzaytirishni O‘zbekiston Respublikasi Oliy sudi raisining o‘rinbosari va olti oygacha bo‘lgan shunday uzaytirishni O‘zbekiston Respublikasi Oliy sudining raisi amalga oshiradi. (JPK 405-m.).

15.