Jinoyat ishini sudda ko’rish uchun tayinlash vaqtida sudya qabul qiladigan

Jinoyat ishini sudda ko‘rish uchun tayinlash vaqtida sudya qabul qiladigan ajrim (qaror)

Jinoyat ishini sudda ko‘rish uchun tayinlash to‘g‘risidagi qarorda: uning qachon va qayerda chiqarilgani; sudyaning lavozimi va familiyasi; sudlanuvchining familiyasi, ismi, otasining ismi, Jinoyat kodeksining unga nisbatan e'lon qilingan aybga doir moddasi; ishning sud majlisida ko‘rilishi uchun yetarli asoslar borligi to‘g‘risidagi xulosa; sudlanuv- chilarga nisbatan qo‘llanilgan ehtiyot chorasi to‘g‘risidagi qaror; sud muhokamasida davlat ayblovchisining, shuningdek himoyachining ishtiroki; sud muhokamasi o‘tkaziladigan joy va vaqt ko‘rsatilishi lozim (JPK 397-m.).
Jinoyat ishini sudda ko‘rish uchun tayinlash masalasini hal qilish chog‘ida ayblanuvchining yashiringanligi ma'lum bo‘lib qolsa, sudya ushbu ayblanuvchiga nisbatan ishni yuritishni to‘xtatish va unga nisbatan qidiruv e'lon qilish to‘g‘risida ajrim chiqaradi, JPK 410 va 418- moddalarida nazarda tutilgan hollar bundan mustasno. Ayni chog‘da ayblanuvchiga nisbatan ehtiyot chorasini o‘zgartirish masalasi hal etiladi. Ayblanuvchining sud majlisida ishtirok etishini istisno etadigan og‘ir va davomli kasallikka chalinganligi sud-tibbiy ekspertiza xulosasi bilan tasdiqlangan taqdirda, sudya ayblanuvchi sog‘ayguniga qadar ishni
yuritishni to‘xtatish to‘g‘risida ajrim chiqaradi.
JPK 399-moddasining birinchi qismiga muvofiq yuritishdan to‘xtatilgan jinoyat ishi ayblanuvchini qidirish choralarini ko‘rish uchun ayblov xulosasini tasdiqlagan prokurorga o‘tkaziladi. JPKning 83- moddasida hamda 84-moddasining birinchi qismida nazarda tutilgan holatlar mavjud bo‘lsa, sud jinoyat ishini tugatadi. Shu bilan birga, sud qo‘llanilgan ehtiyot choralarini, fuqaroviy da'voni ta'minlash choralarini bekor qiladi hamda ashyoviy dalillar masalasini hal etadi.
Sud JPK 84-moddasining to‘rtinchi qismida nazarda tutilgan asoslar bo‘yicha ishni tugatishga haqlidir. Ishning tugatilgani to‘g‘risida ayblanuvchi va jabrlanuvchiga xabar beriladi (JPK 401-m.).

14.