Jaxon tarixi

Seminar mashg’ulotlarini tashkil etish bo’yicha ko’rsatma va tavsiyalar
Seminar mashg’ulotlarida talabalar o’lka va xalq hayoti haqidagi olayotgan nazariy bilimlarini mustahkamlab borish asosida o’lkani o’rganadilar. Amaliy mashg’ulotlarning taxminiy tavsiya etiladigan mavzulari:

1. 
   “Tarixiy o’lkashunoslik” fani, uning predmeti maksadi va vazifasi.
   
2. 
   “Tarixiy o’lkashunoslik” ni o’rganishda qadimgi yozma manbalar.
   
3. 
   Mahalliy tadqiqotchilarning o’lkani o’rganishdagi roli.
   
4. 
   O’lkani o’rganishda rus tadqiqotchiligi.
   
5. 
   Arxeologiyaning tarixiy o’lkashunoslikdagi ahamiyati.
   
6. 
   Tarixiy o’lkashunoslikda etnografiya.
   
7. 
   O’lkani o’rganishda toponomika.
   
8. 
   O’lkani o’rganishda arxiv materiallarining axamiyati.
   
9. 
   Tarixiy o’lkashunoslikda muzey eksponatlarining ahamiyati.
   

Seminar mashg’ulotlarini tashkil etish bo’yicha kafedra professor-o’qituvchilari tomonidan tavsiyalar ishlab chiqiladi. Unda talabalar asosiy ma’ruza mavzulari bo’yicha olgan bilim va ko’nikmalarini amaliy jihatdan yanada boyitadilar. SHuningdek darslik va o’quv qo’llanmalar asosida talabalar bilimlarini mustahkamlashga erishish, tarqatma matriallardan foydalanish, ilmiy maqolalar va tezislarni chop etish orqali talabalar bilimini oshirish, o’lka va xalq hayotiga doir ko’rgazma vositalaridan foydalanish mavzular bo’yicha ko’rgazmali qurollar tayyorlash va boshqalar tavsiya etiladi.
Mustaqil ishni tashkil etishning shakli va mazmuni
Talaba mustaqil ishni tayyorlashda muayyan fanning xususiyatlarini hisobga olgan holda quyidagi shakllardan foydalanish tavsiya etiladi:
1. Darslik, o’quv qo’llanmalar va qo’shimcha adabiyotlarning boblari va mavzularini o’rganish. Bunday tashkiliy shakl, odatda, barcha kurs talabalari uchun tavsiya etiladi. Talabalarda ayniqsa qo’shimcha adabiyotlar bilan ishlash malakasini oshirish zarur. Bunday ish natijalari seminar, kollokviumlarda hamda referatlar, individual berilgan vazifalar bo’yicha tekshiriladi.
2. Tarqatma materiallar bo’yicha ma’ruza qismlarini o’zlashtirish. Bunda o’qituvchi asosiy materialni bayon qilinishiga alohida ahamiyat berish lozim bo’ladi. Tarqatma materiallar hajmi har bir ma’ruza uchun 5-8 sahifa bo’lishiga erishish kerak. Bunday ish natijalari reyting nazoratining muvofiq bosqichlarida tekshiriladi.
3. O’qitish va nazorat qilishning samarali tizimlari bilan ishlash. Bulardan ma’ruza mashg’ulotlari hamda amaliy mashg’ulotlarga tayyorgarlik ko’rish jarayonida qo’llanishi mumkin.
4. Kursning boblari va mavzulari ustida ishlash hamda matbuot materiallaridan foydalanish. Bu maxsus va ilmiy adabiyot (monografiya, maqolalar) referatlar, kurs ishlari, bitiruv malakaviy ishlarini bajarish chog’ida amalga oshiriladi. Mustaqil tahsilning bu shakli barcha talabalarga tavsiya etiladi. Uning natijalari ham reyting nazoratida aks etadi.
5. Tarixiy o’lkashunoslikning nazariy qoidalarini mustahkamlash bo’yicha qo’shimcha manbalardan foydalanish, ularni tahlil qilish, mashq va amaliy ishlar bajarish. Bu ish belgilangan semestrda bajariladi va reyting nazoratida aks etadi.
6. Fanlar bo’yicha adabiyotlarni o’rganish. Bu ish ham belgilangan semestrlarda amalga oshiriladi va reyting tizimida baholanadi.
7. Talabalarning ilmiy-tadqiqot ishlarini bajarish bilan bog’liq holda fanning muayyan boblari va mavzularini chuqur o’rganish. Mustaqil ishning bu shakli belgilangan semestrda talabalarga tavsiya etiladi.
8. Faol o’qitish metodidan foydalaniladigan o’quv mashg’ulotlari. Talabalar tomonidan ta’lim, fan va texnologiyalarning dolzarb muammolari bo’yicha tayyorlangan faol o’qitish metodlarini (o’yinli texnologiyalar, munozara, seminar va v.b.) qo’llash dars mashg’ulotlari.
9. O’quv rejasidagi tarixiy o’lkashunoslik fani bo’yicha eksternat.
10. Masofaviy ta’lim.
Tavsiya etilayotgan mustaqil ishlarning mavzulari:
1. O’lkani o’rganishda « Tarixiy o’lkashunoslik va turizm » fanining o’rni.
2. O’lkashunoslikda qadimgi yozma manbalarning ahamiyati.
3. O’lkani o’rganishda mahalliy tadqiqotchilik.
4. Rus tadqiqotchiligining o’lkani o’rganishdagi roli.
5.O’zbeklarning etnik shakllanish jarayoni.
6. O’zbek xalqining urf-odatlari, an’ana va marosimlari.
7.Mustaqillik davrida xalq qadriyatlariga e’tiborning ortishi.
8. O’lkashunoslikda toponimika va uning ahamiyati.
9. Tarixiy o’lkashunoslikva turizmda arxivlar.
10. Muzeylar – tarix ko’zgusi.Ularning o’lkani o’rganishdagi ahamiyati.