Jaxon tarixi

O’lkashunoslikning turlari: O’lkashunoslik to’rt turga bo’linadi:
1) davlat o’lkashunosligi;
2) jamoat o’lkashunosligi;
3) maktab o’lkashunosligi;
4) akademik litsey va kasb-hunar kollejlari o’lkashunosligi.
O’lkashunoslikning har 4 turi o’zaro bir-biriga aloqador bo’lib, biri ikkinchisini to’ldiradi.
Darhaqiqat, "bugungi murakkab, globallashuv davrida ma’naviyat sohasida vujudga kelayotgan dolzarb muammolar, xalqimiz ma’naviyatini asrash va yuksaltirish, ayniqsa yosh avlodning qalbi va onigini turli zararli g’oya va mafkuralar ta’siridan saqlash va himoya qilish masalalariga alohida e’tibor qaratiladi”¹.
M.V.Lomonosov va M.Z.Bobur. SHo’rolar xukumronligi davrida ta’lim-tarbiya jarayonida milliy mentalitetimiz emas, balki dahriylikka asoslangan yo’qsillik (proletariat) g’oyasi hukumron bo’lganligi bois tarixiy o’lkashunoslik ko’proq rus tarixchi olimlari tomonidan yaratilgan tamoyillar, ilmiy-metodik va pedagogik tajribalar asosida olib borilib, ta’limning bu sohasida ham buyuk rus shovinizmi asos qilib olingan edi. Masalan, mashhur rus tarixchi o’lkashunos olimi N.P. Milonovning yozishicha 1761 yilda M.V. Lomonosovning mahalliy aholi va yoshlar ishtirokida o’lka tarixini tadqiqot etish yo’lida olib borgan faoliyati va 30 savoldan iborat bo’lgan anketasi keyinchalik Rossiyada tarixiy o’lkashunoslik dasturi bo’lib xizmat qilganligini alohida ko’rsatib beradi. SHuningdek 1788 yilga kelganda hukumat tomonidan qadimgi gubernalarning tarixi va xalqi, u yerda yashagan odamlar xayotini aks ettiruvchi tarixiy yodgorlik ashyolari saqlanib qolgan ko’rg’onlar, o’sha davrdagi dexqonchilik va chorvachilik ishlarining xolatlari, baliqchilik, hunarmandchilik, yangidan vujudga kelgan fabrikalar, zavodlar va savdo ishlari qanday yo’lga qo’yilganligi, ishlab chiqilgan maxsulotlar qaerlarda sotishga ajatilganligi, shaharlarning gerblari qanday ko’rinishda bo’lganliklarini aniqlash to’g’risida qisqacha aniq axborot yig’ish lozimligi talab etilgan edi.