Jaxon tarixi

Fan bo’yicha talabalarning bilimiga, malaka va ko’nikmalariga
qo’yiladigan talablar
Talabalar bilimiga qo’yiladigan talablar. a) talabalar o’lkamiz va xalqimiz tarixi, hayoti haqida, uning tarixiy obpdalari, joy nomlari - toponimikasi, shuningdek, muzeylari to’g’risida haqqoniy bilim-tasavvurga ega bo’lishlari zarur; b) talabalar o’lkamiz va xalqimizning boy tarixiy o’tmishi va bugungi hayotiga oid bo’lgan zarur bilimlarni, madaniy merosimizni hamda istiqlol davridagi bunyodkorlik ishlari va uning mohiyatini bilishlari zarur; v) talabalar o’lkamiz, xalqimiz o’tmishi va bugungi hayotini, madaniyat sohasida erishilgan yutuqlarni o’rganish asosida ularning mohiyatini anglab yetishi, o’lkamizdagi mashhur tarixiy obidalarni yetarli sharhlay olishi, buyuk allomalarimiz va ular qoldirgan ilmiy-madaniy meros hamda yurtimiz joy nomlari - toponimikasi haqida erishilgan bilimlar asosida o’quvchilarga o’z tushunchalarini yetkazib bera olish malakasiga ega bo’lishi lozim; g) o’lka va xalq tarixi, hayoti, turizmga oid materiallarni topish, yig’ish, o’rganish ko’nikmasini egallashi; d) o’lkaning tabiatiga, xalqning moddiy va ma’naviy boyliklariga ehtiyotkor, ularni asrash va ko’paytirishga burchli ekanliklarini anglashlari; ye) o’lkani yanada ozod va obod, xalqimizni faravon qilishi yo’lida faollik namoyon eta olishi, istiqbolli reja va dasturlar tuza bilishi lozim.
Fanning o’quv rejasidagi boshqa fanlar bilan o’zaro bog’liqligi
va uslubiy jihatdan uzviy ketma-ketligi
“Tarixiy o’lkashunoslik va turizm” fani O’zbekiston tarixining tarkibiy qismlaridan biri bo’lib, u arxeologiya, etnologiya, arxivshunoslik, muzeyshunoslik kabi fanlar bilan o’zaro aloqador bo’lib, ularsiz o’lkani mukammal o’rganib bo’lmaydi.
Fanning ta’limdagi o’rni
“Tarixiy o’lkashunoslik va turizm” fanini o’qish orqali talabalar o’z o’lkasi, uning tarixi haqida, shuningdek, xalq hayoti haqida yaqqolroq ma’lumotlarga ega bo’ladilar. Ayniqsa, o’lkada turizm – sayyohlikning istiqbolli rivojlanib borishi soha kadrlarini ko’proq tayyorlanib borishiga ham bog’liqdir. Turizm esa O’zbekistonda nafaqat yoshlarning ma’naviy va jismoniy kamolotida, balki mamlakat iqtisodiyoti uchun ham muhim ahamiyatga ega bo’lgan tarmoqlardan biri sifatida rivojlanib bormoqda.