Jamurad yangiboyevich, amirov

 
3.5.3.Qoramolchilikda urchitish usullari. 
  
Qoramolchilikda  boshqa  chorvachilik  sohalarida  singari  sof  zotli, 
chatishtirish, duragaylash urchitish usullari qo‘llaniladi.  
Sof  zotli  urchitish  –  bir  zotga  mansub  erkak  va  urg‘ochi  hayvonlarni 
juftlashga  aytiladi.  Bu  urchitish  asosiy  vazifasi    sof  zotli  hayvonlarni  saqlab 
qolish  va  ularning  takomillashtirishdan  iborat.  Bu  usul  asosan  naslchilik  va 
qisman  tovar    xo‘jaliklarida  qo‘llanilib,  sof      zotli  hayvonlar  ko‘p  tarqalgan 
hududlarda keng joriy qilingan. Bu urchitish usuli orqali zotli takomillashtirish, 
unda yangi yo‘nalish, qator va oilalar barpo qilishda muhim o‘rin tutadi. Ushbu 
tadbirlar  yosh  qoramollarni  maqsadga  muvofiq  tarbiyalash,  oziqlantirish  va 
saqlash sharoitlarini me’yorlar darajasida tashkil qilishni talab qiladi. 
Chatishtirish.  Qoramolchilikda  xo‘jalikning  yo‘nalishi,  iqlim  va  oziqa 
sharoiti,  qo‘yilgan  maqsadlarga  qarab  qon  quyish,  qon  singdirish,  zot  yaratish, 
galma-gal va sanoat chatishtirish usullari   qo‘llaniladi. 
Qon  quyish  chatishtirish  qoramolchilikda  hayvonlarning  alohida  olingan 
bir belgisini yaxshilash uchun qo‘llaniladi. Bir zotning sigirlari ikkinchi zotning 
buqasi bilan qochiriladi, keyingi 3-4 bo‘g‘inda esa yana asosiy zot buqalari bilan 
qochiriladi.  Birinchi  bo‘g‘in  duragaylarida  belgi  yaxshilanadi,  lekin  keyingi 
bo‘g‘inlarda  so‘nib  boradi.  Shuning  uchun  har  4-5  bo‘g‘inda    yaxshilovchi 
zotning qoni quyib boriladi.