Жамғармаси битирувчиларининг биринчи Халқаро конференцияси Ахборот хати

---

 
 
 
 
 
 
 
Ўзбекистон Республикаси Президенти ҳузуридаги Давлат хизматини 
ривожлантириш агентлиги қошидаги Эл-юрт умиди” жамғармаси 
томонидан ташкил этилаётган
 
“Янгиланаётган Ўзбекистонга янги авлод кадрлари” собиқ “Умид” 
жамғармаси битирувчиларининг биринчи Халқаро конференцияси
Ахборот хати 
Ўзбекистон Республикаси Президенти ҳузуридаги Давлат хизматини 
ривожлантириш агентлиги қошидаги Мутахассисларни хорижда тайёрлаш 
ва ватандошлар билан мулоқот қилиш бўйича “Эл-юрт умиди” жамғармаси 
бугунги кунда республиканинг иқтидорли ва истиқболли ёш 
мутахассисларини хорижда мақсадли равишда тайёрлаш ишларини 
ривожлантириб бормоқда.
Бугунги кунда мамлакатимизда хорижда ўқиб, илғор билим, қимматли 
илмий ва амалий тажрибага эга бўлган ватандошлар билан мулоқот 
ўрнатиш, шунингдек малакали ва профессионал кадрларга муносиб меҳнат 
шароитлари яратиш борасида сезиларли ишлар амалга оширилмоқда. 
Юқоридагиларни эътиборга олиб, собиқ “Умид” жамғармаси 
битирувчилари учун алоҳида мулоқот майдонини яратиш ҳамда бу орқали 
уларни Ўзбекистонда амалга оширилаётган кенг қамровли ислоҳотларга 
жалб этиш мақсадида: 
2020 йил 3-4 январь кунлари Тошкент шаҳрида “Янгиланаётган 
Ўзбекистонга янги авлод кадрлари” мавзусида собиқ “Умид” жамғармаси 
битирувчиларининг биринчи халқаро конференцияси ташкил этилмоқда.
Халқаро конференция ишида хорижда ва мамлакатимизда истиқболли 
тармоқларда фаолият юритаётган собиқ “Умид” жамғармасининг 
битирувчилари ҳамда хорижий илмий-амалий тажрибага эга бўлган 
ватандошларимиз иштирок этиши кутилмоқда. 
Халқаро конференция қуйидаги устувор йўналишларда ўз ишини 
амалга оширади: 
I секция. Мамлакатни демократик янгилаш ва модернизация қилиш; 
II секция. Таълим - ижтимоий ривожланиш соҳасидаги асосий 
етакловчи омил; 
III секция. Инвестиция муҳитини кучайтириш – иқтисодий ислоҳотлар 
марказида; 

---

IV секция. Мамлакатнинг инновацион ривожланиш стратегияси ва 
устуворликлари; 
V секция. Қишлоқ хўжалигига илғор технологияларни жорий этиш. 
 Мақола ва тезисларни расмийлаштиришга қўйилган талаблар: 
Халқаро Конференцияда иштирок этиш учун мақола ва тезислар фақат 
электрон шаклда 
2019 йил 20 декабргача 
[e-mail] электрон 
манзилга тақдим этилиши мумкин.
Бугунги кун ислоҳотларини қамраб олган мақолалар 5 бетгача ҳажмда 
ўзбек, рус ва инглиз тилларида тақдим этилиши мумкин. Мақола ва 
тезислар Times New Roman 14 шрифти, А4 формат, юқоридан – 2,0 см, 
пастдан – 2,0 см, чапдан – 2,0 см, ўнгдан – 2,0 см, оралиқ интервал – 1,0 см, 
абзац бошидаги оралиқ – 1,25 см, энига форматлаш тарзида тўлдирилиши 
зарур. Барча жадвал, чизма ва расмлар Microsoft Word, график ва 
диаграммалар MS Excel редактори ва Times New Roman шрифтида, 
формулалар MS Equation редакторида ёзилиши лозим.
Мақола ёки тезиснинг биринчи бети ўнг қисмида муаллифнинг 
фамилия, исми, шарифи, илмий даражаси, илмий унвони, ташкилотнинг 
номи, лавозими, мақоланинг номланиши ўртада қалин ҳарфларда 
кўрсатилиши шарт.
Мақола аннотацияcи (Abstract):
мақоланинг қисқача аннотацияси
5 қатордан ошмаган ҳолда фақат мақола ёзилган тилда берилади.
Таянч сўзлар (Key words):
мақола мазмуни ва мақсадини энг қисқа 
мазмунда очиб берувчи калит сўзлар 8-10 та. 
Фойдаланилган адабиётлар рўйхати (References)
- ушбу қисмда 
мақолада фойдаланилган барча адабиётларнинг рўйхати [1], [2] ёки [3] 
кетма-кетлигида қўйилади: муаллифлар исми-шарифи, китоб ёки мақола 
номи, нашриёт номи, йили, бетлари.
Мақолалар мазмуни халқаро конференция талабларига мос келган 
тақдирда ташкилий қўмитанинг қарорига биноан танлов асосида 
конференция тўпламига киритилади ва 
“Эл-юрт умиди” жамғармаси
расмий сайтида (www.eyuf.uz) Google Scholar
тизимига боғланган ҳолда 
эълон қилинади. Ташкилий Қўмита танловдан ўтмаган мақола ва 
тезисларни муаллифларга қайтариш мажбуриятини олмайди. 
Мурожаат учун телефонлар: 
Тел.: [phone] – “Эл-юрт умиди” жамғармаси, қабулхона. 
(998 71) 203-00-51 – мақола ва тезислар қабули учун масъул – 
Парвина Хўжаева. 
Манзил: Тошкент шаҳри, Амир Темур кўчаси 13, 
“
Эл-юрт умиди” 
жамғармаси.