Jahon mamlakatlari iqtisodiy

Agrosanoat kompleksi. Mamlakat katta er resurslari va er, yaylov va dalalar AQSh asosiy territoriyasining salkam 1/2 qismini tashkil etadi. Agrosanoat kompleksi AQSh iqtisodiyotida muhim rol o’ynaydi. AQSh da o’simlikchilik turlaridan birinchi navbatda g’alla ekinlari hisoblanadi, bu barcha maydonlarning 2G’3 qismini egallaydi. Asosiy oziq-ovqat ekini-bug’doy, ozuqa ekinlari (makkajo’xori) ko’proq etishtiriladi. Moyli ekinlar orasida soya muhim o’rin egallaydi. Keyingi yillarda bu ekin hosildorligi keskin oshdi. U ovqatga (soya moyi sifatida) ishlatiladi. Mollar uchun to’yimli ozuqa hisoblanadi. Tolali ekinlar orasida paxta etakchi o’rinda turadi, XXI asrda u bosh eksport mahsulotiga aylanadi. Shakarli ekinlar orasida qand lavlagi va shakar qamish deyarli birining o’rinni egallaydi. Meva va sabzovatning roli juda ulkan.

Chorvachilik. AQShda chorvachilik ham sut, ham go’sht yo’nalishida rivojlanmoqda. Shuningdek cho’chqachilik va parrandachilik sanoat asosida taraqqiy etmoqda. Jo’ja go’shti (broylerlar) ishlab chiqarish AQSh qishloq xo’jaligining industrlashtirilgan sohalaridan hisoblanadi va qishloq joylarida joylashtirilgan. Har yili 4 mlrd. dona gacha broyler ishlab chiqariladi. AQSh agrsanoat kompleksi aholini to’liq oziq-ovqat bilan ta’minlash imkoniga ega. Biroq monopoliya egalik qiladigan fermerlik mahsulotlari narxi balanadligi uchun amerikaliklarning ko’pchilik qismini xarid quvvati o’tmaydi.

AQSh xalqaro turizm taraqqiyoti bo’yicha Evropadan ancha orqada. Lekin shunga qaramay, mamlakatga har yili 30-40 mln. sayyoh kelib ketadi. Ichki turizm juda yaxshi rivojlangan, o’z ichiga avtoservisni qamrab olgan «mehmondorchilik industriya»si kuchli rivojlangan. Florida, Kaliforniya, Gavayi, G’arb shtatlari, ayniqsa qoyali tog’lar atrofi qirg’oq bo’yi turizmining bosh rayonlari hisoblanadi.