Jahon adabiyotining bestselleri markus zusak

OSHXONA. TUSHKI SOAT 13:00
Hans bilan xayrlashishlariga ikki soat qoldi.
— Ketmang, dada. Iltimos, — Lizelning qoshiq ushlagan qo‘li titray di. — Birinchi bo‘lib Maks ketdi. Agar siz ham ketsangiz, men bunga qanday chidayman, axir?
Boshidagi zirqirash hanuz tarqamagan Hans tirsagini stolga qo‘yib, o‘ng ko'zini yopdi.
— Sen ham katta qiz bo‘lib qolding, Lizel, u bo'kirib yig‘lashni xohlasa ham bu istagini ko‘mib tashladi.
— Oyingga g'amxo'rlik qil, xo‘pmi?
— Xo‘p bo'ladi, dada, —Lizel xiyol bosh irg‘ay oldi, xolos.


Nihoyat Hans egniga kostyum-shim va boshog‘rig‘ini ilgan holda “Himmel” ko‘chasini tark etdi.




Aleks Shtayneming ketishiga hali to‘rt kun bor edi. U va Shtaynerlar oilasining barcha a’zolari Hubermanlar vokzalga jo‘nab ketishlaridan bir soat oldin ulamikiga kirib o‘tib, Hansga eng yaxshi tilaklami tilashdi, qo‘l siqib xayrlashishdi.
Barbara Shtayner uni quchoqlab, ikki yuzidan o‘pdi.
— Tirik qaytib kelishga va’da ber.
— Mayli, Barbara, — Hans buni to‘liq ishonch bilan aytdi, hatto kulib ham qo‘ydi. — Albatta, qaytaman. Bu shunchaki urush bo‘lsa. Men allaqachon uni boshdan kechirganman.
Ular “Himmel” ko‘chasi bo‘ylab asta ketishayotganlarida, qo‘shni uydan keksa ayol chiqib, yo‘l chetida turdi.
— Xayr, Frau Xolsapfel, kechagi qilig‘im uchun ming bor uzr.
— Xayr, Hans, mast cho‘chqa, — bu safar u Hansga do‘stona ohangda gapirdi. — Tezda omon-eson qaytib kel.
— Bo‘pti, Frau Xolsapfel. Rahmat.
— Rahmatingni pishirib ye! — yana o‘yinqaroqlik bilan gap qotdi ayol.
Frau Diller ulami muyulishdagi do‘konining derazasidan sinchkov- lik bilan kuzatib turardi.
Lizel o'gay otasining qo‘lidan ushlab olib, Myunxen ko‘chasi orqali bekatga borgunlaricha qo‘yib yubormadi. Poyezd allaqachon safarga chiqishga shay edi.
Ular perronda to‘xtashdi. Hansni dastlab Roza so‘zsiz bag‘riga bos- di, boshini erining ko‘ksiga bir lahza qo‘yib, keyin tortib oldi.
Lizelga navbat keldi.
— Dada?
O‘lik sukunat!
Ketmang, otajon!
Utimos, biz bilan qoling!
Kerak bo‘lsa o‘zlari kelishsin!
Faqat ketmang!
Iltimos!

— Dada?