Jahon adabiyotining bestselleri markus zusak

Yangi tush:
Bir necha tundan so‘ng


Kunning ikkinchi yarmida Lizel zinapoyadan yerto‘laga tushdi. Bu paytda Maks yuztuban yotib qo‘llariga tayanib turish mashqlarini baja- rayotgan edi.
Lizel unga bildirmasdan biroz muddat qarab turdi, keyin esa kelib uning yoniga o‘tirgach Maks o‘midan turdi va devorga suyandi.
— Senga yaqindan boshlab yangi tushlar ko‘rayotganim haqida aytib berganmidim? — deb so‘radi u qizdan.
Lizel uning yuzini ko‘rish uchun biroz o‘girildi.
— Ammo men u tushni uyg‘oq paytlarimda ko‘ryapman, — Maks nuri so‘ngan kerosin lampaga imo qildi. — Ba’zan chiroqni o‘chirib qo‘- yaman-da, shu yerda turib kutaman.
— Nimani kutasan?
Maks uning savolini to‘g‘riladi:
— Nimani emas, kimni.
Lizel bir necha soniya davomida hech narsa demadi. Bu davomi janjalga aylanib ketmasligi uchun orada biroz vaqt sukut saqlash zarur

bo‘lgan suhbatlardan biri edi.

— Xo‘sh, kimni kutib turasan?
Maks qimirlamadi.
— Fyuremi, — u buni, oddiy bir so‘zdek hech qanday hissiyotsiz aytdi. — Shuning uchun ham jismoniy mashqlami bajaryapman.
— Yuztuban yotib turishlarmi?
— Ha, shu va boshqalarini, — Maks beton zinapoya tomon yurdi. — Har oqshom qorong‘ida fyureming mana shu zinalardan tushib kelishini kutaman. U pastga tushgach ikkalamiz bir-birimiz bilan bir necha soat jang qilamiz.
Lizel allaqachon o‘midan turib ketgan edi.
— Kim yutadi?
Awaliga Maks: “Hech kim g‘alaba qilmaydi”, — deb javob ber- moqchi edi, lekin ko^uzi bo‘yoqdan bo‘shagan idishlar, qog‘oz uyumlari va tobora yuksakka o‘rlayotgan gazeta to‘plamlariga tushdi. U devordagi yozuvlarga, uzunchoq bulutga va raqamlarga ham qarab qo‘ydi va: “Men yutaman”, — dedi. Go'yoki Maks Lizelning mushtni ochib, so‘zlami uning kaftiga avaylab qo‘ygandek va keyin qo‘lini yana bukib qo‘ygandek edi.
Germaniyaning Molking nomli shaharchasida joylashgan uylaming birida, yer ostida ikkita odam tik turib suhbatlashishardi. Bu xuddi latifa- ning boshlanish qismiga o'xshab ketadi:
— Bir kuni yerto‘lada bir nemis va bir yahudiy turishgan ekan...
Ammo bu aslo latifa emas edi.