Ызбекистон Республикаси =ишло= ва сув хыжалиги вазирлиги

Адабиётлар: 2,7,9,11. 
 
11. Машғулот. 
 
қаламчаларни кўчатзорга экиш ва узум кўчатини 
 
етиштириш. 
 
42 

---

Машғулот мақсади.  Кўчатзор учун майдон танлаш ва уни тайёрлаш. 
Кўчатзорга қаламчаларни экиш техникаси ва ўсимликни вегетация даврида 
парвариш қилишни ўрганиш. 
Умумий маълумот: Узум кўчатларини етиштириш учун қаламчалар 
кўчатзорга экиладиган қаламчалар сифатига ва етиштириладиган 
кўчатларни парвариш қилишга боғлиқ. Шунинг учун кўчатзорга энг яхши 
майдонларни ажратиш ва кўчатзор тупроғига ишлов бериш ва узум 
кўчатини парвариш қилишда юқори агротехника тадбирларига амал қилиш 
жуда зарур. Ток кўчатзори учун текис, доимо сув билан таъминланадиган, 
унумдор майдонлар таъминланади. Тупроқ таркиби ва майдоннинг 
унумдорлигини ошириш учун ток кўчатзорида алмашлаб экиш жорий 
этилади. Одатда узум кўчатзорида уч, тўрт ва беш далали алмашлаб экиш 
қўлланилади. Сув билан яхши таъминланган хўжаликлар учун беш далали 
алмашлаб экиш қуйидаги экинларни навбатланиши тавсия этилади: 
Эртаги сабзавотлар, ёзги беда экиш билан ёки баҳорги донли, беда 
экиш билан; 
Беда; 
Полиз ёки кузги буғдой; 
Ток кўчати. 
Чекланган суғориш имкониятли майдонларда тўрт далали алмашлаб 
экиш тавсия этилади: 
Нўхат – ток кўчати – сабзавот – полиз экинлари. қумли тупроқли 
жойларда кўчатзор барпо қилишда уч далали алмашлаб экиш мақсадга 
мувофиқ: 
Ток кўчати – сабзавот экинлари – бир йиллик дуккакли ўтлар. 
Кўчатзор майдонининг ўлчами хўжалик бўйича етиштириладиган 
узум кўчатларига ва бир гактардан чиқадиган кўчатларга мос равишда 
белгиланади. Кўчатзор учун ажратилган майдон кузда 50-60 см 
чуқурликда ағдариб ҳайдалади ва шунинг билан бир вақтда гектарига 20-
40 т гўнг ва 300-400 кг суперфосфат ва 40-50 кг калий хлорид солинади.
Эрта баҳорда ағдариб ҳайдалган ерлар кўп марта бароналаш ва 
культивациялашда текисланади, кейин майдон бир гектарли карталарга ва 
кварталларга бўлинади. қатор йўналиши майдоннинг конфигурациясига, 
унинг қиялиги ва суғоришга қулайлигига қараб белгиланади. 
қаторлар таёқчаларда белгиланади. қаторнинг бир томонига 
кильчёвкаланган қаламчалар орасида 10-12 см масофа қолдириб экилади. 
қатор орасининг кенглиги хўжаликдаги кўчатзорда ишлайдиган мавжуд 
русумли машиналар ва тупроқ унумдорлигига қараб белгиланади ва одатда 
қатор ораси 80-90 см қолдирилади.
Бир гектарга экиладиган қаламчалар миқдори қаторлар ораси ва 
қаторда экилган қаламчалар сонига боғлиқ (7-жадвал). 
43 

---