Ызбекистон Республикаси =ишло= ва сув хыжалиги вазирлиги

Кириш. 
 
Ўқув қўлланма Агрономия факультети, мева-сабзавотчилик ва 
узумчилик йўналиши талабалари учун узумчилик фанидан лаборатория 
ишлари ва амалий машғулотларни бажариш учун мўлжалланган. 
У узумчилик фани дастурига мувофиқ равишда тузилган. 
қўлланмада ток ўсимлиги органларининг тузилиши, ер устки ва илдиз 
тизимининг ривожланиши, узум навлари, токзор барпо қилиш, ўстириш 
усуллари, кўпайтириш усуллари, шунингдек юқори ҳосил олиш мақсадида 
токзорларда қўлланиладиган агротехник тадбирларни ўрганишга эътибор 
қаратилган. 
Лаборатория ва амалий машғулотлари, талабаларнинг фаол, мустақил 
ишлаши ва назарий билимларини мустаҳкамлашни ҳисобга олиш 
мақсадида ўтказилади. 
Ҳар бир машғулот мавзуси бўйича:
Машғулот мақсади, умумий маълумот, топшириқ, иш тартиби, 
материаллар ва жиҳозлар, назорат саволлар ва керакли адабиётлар рўйхати 
берилган. 
Лаборатория ва амалий машғулотларини бажариш учун талаба ўқув 
қўлланма ва мавзу бўйича тавсия этилган адабиётлардан фойдаланиб, 
мавзунинг асосий талаблари бўйича конспект ёзиши ва топшириқларни 
бажариши керак. 
Топшириқнинг ҳусусиятларидан келиб чиқиб, лабораторияда (ток 
ўсимлигининг систематикаси, морфологияси, анатомияси, токзор планини 
тузиш, ҳисоб- китоблар ва бошқалар) ёки бевосита токзорда (ток 
тупларини кесиш, шакл бериш, қаламчалар тайёрлаш, узум кўчатини 
экиш, ток тупларини қишда кўмиш, навларни ўрганиш ва бошқалар) 
бажарилади. 
Ҳар бир талаба лаборатория ва амалий машғулот бўйича топшириқни 
мустақил бажаради. Ҳар бир бажарилган ишни ўқитувчи балл қўйиш 
билан қабул қилади. 
3 

---

Ток тузилиши. 
Ток ўсимлиги асосан икки қисмдан ер остки (илдиз тизими) ва ер 
устки қисмидан иборат. Унинг вегетатив ва генератив органлари бўлади. 
Вегетатив органларга илдиз, занг ва барглар, генератив органларга тўпгул, 
гуллар, шингил, ғужум ва уруғлар киради. Ҳар бир орган ўзига хос 
вазифани бажаради.