Ызбекистон республикаси хал+ таълими вазирлиги

Тасдиқловчи томон спикерлари ҳакамларни ўз нуқтаи-назарларининг тўғрилигига ишонтиришга ҳаракат қилади ( Масалан, Буюк географик кашфиётлар мустамлакачилик урушларининг келиб чиқишидаги асосий сабабдир).
Инкор этувчи томон спикерлари тасдиқловчи томон нуқтаи назарининг нотўғри эканлигига ҳакамларни ишонтиришга ҳаракат қилиши керак (Мустамлакачилик урушларининг асосий сабаби географик кашфиётлар эмас, балки дунёда ҳукмронликка интилиш ғоясидир ёки географик кашфиётларсиз ҳам мустамлакачилик урушлари бор эди).
Аргументлаш. Аргументлаш орқали ҳар иккала томон ҳакамларни ўз нуқтаи назари тўғри эканлигига ишонтириш керак. Аргументлар суст ёки кучли, ишонарли бўлиши мумкин.
Шунингдек, дебат иштирокчилари ўз нуқтаи назарларини мустаҳкамловчи далилларни (цитаталар, фактларни, статистик маълумотларни) тақдим қилишлари лозим.
Чапараста саволлар. Кўпчилик дебатларда ҳар бир иштирокчига оппонент жамоа спикерининг саволларига жавоб бериш имконияти берилади. Бир жамоа спикерининг саволи ва бошқа жамоа спикерининг жавоби раунди «чапараста саволга тутиш» дейилади.
Тарих дарсларида қуйидаги мавзуларда дебат ўтказиш мумкин:

1. 
   Франция-Пруссия уруши ягона немис давлатини ташкил топиши учун шарт эди.
   
2. 
   Абдуллахон II нинг марказлаштириш сиёсати Шайбонийлар давлатининг инқирозига сабаб бўлди.
   
3. 
   Инглиз-рус рақобати Чор Россиясининг Ўрта Осиёни босиб олишидаги асосий сабабдир.
   
4. 
   XYIII асрдаги ислом дини. Динни давлатдан ажратиш шарт эди.
   
5. 
   Россия империясининг кўчириш сиёсатини оқлаш мумкин.
   
6. 
   Туркистонда пахтачиликнинг ривожланиши қишлоқ хўжалигини инқирозга олиб келди.
   
7. 
   Буюк географик кашфиётлар мустамлакачилик урушларининг асосий сабабидир.
   

Тарих дарсларида дебат ўтказиш учун Ўқувчилар ва ўқитувчининг ўзи ҳам махсус тайёргарликка эга бўлиши ҳамда дебатнинг мавзуси олдиндан эълон қилиниши керак.
«Ақлий ҳужум» методи ҳақида