Ызбекистон республикаси фанлар академияси

Номларнинг этнографик мотивлари билан боғлиқ тушунчаларни англатувчи терминлар.
Ном бериш билан боғлиқ эътиқод ва расму русумлар жуда қадимги замонлардан тортиб то ҳозирга қадар давом этмоқда ва муайян этнографик анъанага айланган. Бу ҳол ўз навбатида номларнинг этнографик асоси билан боғлиқ терминларни юзага келтиради. Булар қуйидагилардир:
1. Шахсга ёки жуғрофий объектга ном бериш жараёнини англатувчи терминлар: исм бериш, исм танлаш, исм қўйиш, ном танлаш, ном қўйиш, фарзандни номлаш, от қўйиш, чақалоққа исм танлаш, муносиб ном ва б.
2. Номлаш билан боғлиқ удумлар, ишончларни англатувчи терминлар: асровчи исмлар (номлар), бағишлов номлар, исм-истаклар, салбий исмлар, тавсифий (дискрептив) номлар, эвфемистик ном, хосиятли исмлар, хосиятсиз исмлар, ўғилбоп исм, қизларбоп исм, исмлар этнографияси; табулашган ном, тотемик ном, тотемга асосланган номлар, тотем-этнонимлар, қўшалоқ исм, қўшномлилик, боланинг яширин номи каби.
3. Номни маънавий ва эстетик жиҳатдан баҳолаш билан боғлиқ тушунчаларни ифода қилувчи терминлар: а) ижобий баҳо терминлари: гўзал исм, чиройли исм, кўркам исмлар, муносиб исм, мазмунан чиройли исм, яхши исм; б) салбий баҳо терминлари: бемаъни (хунук) ном, дабдабали исм, камситувчи номлар, номақбул номлар, номуносиб номлар, хунук исмлар, хунук маъноли номлар, хунук отлар, эскича номлар, номлаш маданияти, номлаш санъати ва б.
Атоқли отни ясаш учун асос бўлган луғавий материални ифода қилувчи терминлар: а) антропонимларнинг луғавий асосини англатувчи терминлар: антроороним, антропокомоним, антропотопоним, антроойконим, антротеоним, антропоэтноним каби; б) этнонимик асосни англатувчи терминлар: этногидроним, этнодромоним, этноиндикатор, этнокомоним, этноойконим, этноойконимия, этноороним, этнотопоним, этнотопонимик тип, этнотопонимия, этнологик топонимлар; в) топонимик асосни англатувчи терминлар: топотопоним, топогидроним, топотеоним каби; г) фаунатив ва флоратив асосларни билдирувчи терминлар: фаунатив номлар, фаунатив топонимлар, фаунатив тип, зоотопонимлар, биотопонимлар, фитоойконимлар, фитотопонимлар каби.