Iymon qo'shigi

1.8.2. Ishdan chetlashtirish
Ishdan chetlashtirish xodimni vaqtinchalik oylik maoshini 
to‘xtatib qo‘yish bilan ish jarayoniga yo'latmaslikdir. Xodimni 
ishdan chetlashtirishga faqat qonunda ko‘rsatilgan hollardagina 
yo‘l qo'yiladi. Mehnat kodeksining 113-moddasi 2-qismiga 
binoan, ish beruvchi xodimni alkogol, narkotik yoki toksik 
mastlik holatida ishga kelganida uni ishga qo‘ymaslik huquqiga 
ega.
Mehnat kodeksining 113-moddasi 3-qismiga binoan, ish 
beruvchi xodimni majburiy tibbiy ko'rikdan o‘tishdan bosh 
tortib yoki tibbiy komissiyaning ko‘rik natijalaridan kelib chiqib 
bergan tavsiyalarni bajarmasligi uchun ishdan chetlashtirish 
huquqiga ega. Alkogol, giyohvand yoki toksinli mastlik holatida 
ishga kelishi, shuningdek, majburiy tibbiy ko‘rikdan o‘tishdan 
bosh tortish yoki tibbiy komissiyaning ko'rik natijalaridan kelib 
chiqib bergan tavsiyalarni bajarmasligi natijasida ishdan 
chetlashtirilishi intizomiy jazo hisoblanmaydi.
37
www.ziyouz.com kutubxonasi

---

Shunday holatlarda m ehnat m ajburiyatlarini buzgan 
xodimlar ishdan chetlashtirishdan tashqari, intizomiy javob- 
garlikka tortiladi. Ishdan chetlashtirish Mehnat kodeksining 
113-moddasidan tashqari 0 ‘zbekiston Respublikasining boshqa 
qonunlarida ham ko‘zda tutilgan.
0 ‘zbekiston Respublikasi Jinoyat-protsessual kodeksining 
255-moddasiga muvofiq tergovchi, prokuror yoki sud aybla- 
nuvchini, sudlanuvchini agar ishlab turgan joyida qolib, u jinoiy 
ish yuzasidan haqiqatni o‘rnatishga qarshilik qilsa, jinoyati 
tufayli yetkazgan zarar o‘mini to‘ldirishdan bosh tortsa yoki jinoiy 
faoliyatini davom ettiravergani haqida yetarlicha asos bo‘lsa, 
uni lavozimidan chetlashtirishi mumkin. Xodimni lavozimidan 
chetlashtirish haqidagi surishtiruvchi, tergovchi, prokuror qarori 
yoki sud ajrimi ish bemvchi tomonidan bajarilishi majburiydir.
Ish bemvchi tomonidan xodimni qonunga zid holda ishdan 
chetlashtirish holatlarida Mehnat kodeksida ko‘rsatilgan tartibda 
unga xodimga yetkazilgan zararini to‘lash majburiyati yuklatiladi.
Shunday qilib, ishdan chetlashtirish mehnat shartnomasini 
to'xtatishdan farq qiladi, chunki bu holda mehnat shartnomasi 
to ‘xtatilmaydi, balki xodim o ‘z ish faoliyatini vaqtinchalik 
bajarmaydi va ish haqini to‘lash to‘xtatilib turiladi. Ishdan 
chetlashtirish ish beruvchiga ham, xodimga nisbatan ham 
qandaydir salbiy oqibatlarning oldini olish maqsadini ko‘zda 
tutadi.