Iv коронар қон айланиш етишмовчилигида ишлатиладиган дори воситалари

IV.3. КОРОНАР ҚОН АЙЛАНИШ ЕТИШМОВЧИЛИГИДА ИШЛАТИЛАДИГАН ДОРИ ВОСИТАЛАРИ (АНТИАНГИНАЛ ВОСИТАЛАР)

Коронар қон айланиши етишмовчилигида (кўпроқ стенокардия кўринишида) миокардга кислород етказиб берилиши ва унинг қон билан таъминланиши ўртасида номутаносиблик юзага келади. Бу кўпроқ коронар қон томирларнинг атеросклеротик зарарланиши, баъзан – уларнинг спазми натижасида рўй беради. Бундан келиб чиққан ҳолда, кўпчилик антиангинал дори воситаларининг таъсири юракнинг кислородга бўлган эҳтиёжини пасайтириш йўли орқали бузилган мувозанатни тиклаш ва/ёки миокардга кислород етказиб берилишини оширишга йўналтирилган. Бундан ташқари, миокарднинг гипоксияга қаршилигини яхшиловчи алоҳида кардиопротектор воситалар гуруҳи мавжуд.

Антиангинал воситаларнинг классификацияси

А. МИОКАРДГА КИСЛОРОД ЕТКАЗИБ БЕРИЛИШИ ВА ЭҲТИЁЖИ ЎРТАСИДА МУВОЗАНАТНИ ТИКЛОВЧИ ДОРИ ВОСИТАЛАРИ

1. Юракнинг кислородга бўлган эҳтиёжини камайтирувчи ва миокардга кислород етказиб берилишини оширувчи препаратлар

Органик нитратлар
а) Нитроглицерин ва унинг таъсири узайтирилган препаратлари; Нитроглицерин. Нитронг. Тринитролонг.
б) бошқа органик нитратлар:
Нитросорбид. Изосорбид мононитрат. Кальций канали блокаторлари Верапамил. Фенигидин.
Калий канали активаторлари
Никорандил

2. Миокарднинг кислородга бўлган эҳтиёжини пасайтирувчи дори воситалари

β-адреноблокаторлар
Анаприлин (β1, β2)
Атенолол (β1), метопролол (β1)
Брадикардияга қарши воситалар
Алинидин

3. Миокардга кислород етказиб берилишини оширувчи дори воситалари

Коронар томирларни кенгайтирувчи миотроп таъсирли воситалар
Дипиридамол
Рефлектор таъсирли, коронароспазмни бартараф этувчи воситалар
Валидол
Б. КАРДИОПРОТЕКТОР ВОСИТАЛАР
Триметазидин