Iv. Glossariy

SENOBIOZ — Organizmlarning guruh (uyushma) larda birgalikda hayot kechirishi.
SENOZ — Uyushma, qavm, organizmning ma’lum sharoitdagi har qanday uyushmasi. Masalan, zootsenoz, fitotsenoz.
EVRIBAT ORGANIZMLAR — Suv havzasining har xil chuqurliklarida yashovchi organizmlar.
EVRIBIONTLAR — Tashqi muhitning keskin farqlanuvchi xilma – xil sharoitlarida yashash xususiyatiga ega organizmlar.
EVRITERMLAR — Muhit haroratining keskin farqlanuvchi sharoitlarida yashashga moslashgan organizmlar.
EVTROF — Ozuqa moddalariga boy bo‘lgan tuproqlardagina o‘suvchi o‘simlik.
EDAFON —Tuproq biotsenozi.
EDIFIKATORLAR — Ekosistemadagi ma’lum bir biosharoitni, biomuhitni hosil qilishda asosiy ahamiyatga ega bo‘lib, uni harakterlovchi, ko‘pincha biogeotsenozning dominantlari hisoblangan turlar. Edifikatorlar asosan o‘simliklardan iborat.
EKOTUR — Biologik tur ichidagi ekologik turlar yig‘indisi.
EKOGENEZ — Organizm bilan muhit o‘rtasidagi tarixiy o‘zaro munosabatlar jarayoni.
EKOKLIMAT — Ekoiqlim, muhit iqlimi, birmuncha katta hududlardagi nisbiy iqlim.