Истеъмол ва жамғариш, уларнинг графиклари

Қисқача хулосалар

Макроиқтисодиётда истеъмол, жамгариш ва инвестициялар билан боғлиқ масалалар муҳим аҳамият касб этади, чунки истеъмол ва инвестиция харажатлари ЯИМ нинг асосий таркибий қисмларидир.
Истеъмол ЯИМ таркибида асосий улушга эга бўлиб, оралиқ ҳамда якуний истеъмолга ажратилади ва ихтиёрдаги даромаддаги жорий давр эҳтиёжларини қондириш учун қилинган харажатларини қамраб олади. Истеъмол ва даромад ўртасидаги боғлиқлик истеъмол функтсияси орқали ифодаланади. Истеъмолни тавсифловчи кўрсаткичлар сифатида истеъмолга бўлган ўртача ва чекли мойиллик кўрсаткичлари қатнашади.
Жамғариш ихтиёрдаги даромаднинг истеъмолдан кейин қолган қисми бўлиб, жамғариш функтсиясида жамғарма ва ихтиёрдаги даромад ўртасидаги боғлиқлик акс эттирилади. Истеъмол каби жамғаришни ҳам тавсифловчи кўрсаткичлар сифатида жамғаришга бўлган ўртача ва чекли мойиллик кўрсаткичлари қатнашади. Жамғариш хусусий жамғармалар, давлат жамғармалари ҳамда чет элликларнинг жамғармаларидан иборат.
Инвестициялар жамғармалар билан боғлиқ бўлиб, инвестиция функтсияси умумий ҳолда реал фоиз ставкаси билан тескари, даромад билан эса тўғри боғлиқликни акс эттиради. Инвестициялар ялпи вас оф инвестицияларга ажратилади.
Ялпи инвестициялар соф инвестициялардан амортизатсия миқдорига фарқ қилади ва айнан ялпи инвестициялар ҳамда амортизатсияни солиштириш орқали иқтисодиёт кўриниши ажратилади