Issn 2181-9580 toshkent davlat pedagogika universiteti ilmiy axborotlari ilmiy-nazariy jurnali

 
ILMIY AXBOROTLARI 2020/5 
4. Dars jarayoni. 
5. Interfaollik. 
Tayyorgarlik.
Hududiy markaz professor-o‘qituvchilarining va umumiy o‘rta ta’lim 
maktablari o‘qituvchilarini onlayn malaka oshirishga tayyorligining monitoringi (qurilmalar 
va internet imkoniyatlarining mavjudligi, zarur ilovalarni o‘rnatish, foydalanish uchun tavsiya 
va eslatmalarni ishlab chiqish). So‘rovnoma o‘tkazish va tahlil natijalarini tashkil qilish. 
Tayyorgarlik bosqichida hududiy markazlarda masofadan o‘qitishni tashkil etish 
mexanizmi quyidagilardan iborat: 
• o‘quv resurslarni yaratish (o‘quv materiallari, videodarslar, pedagogik dasturiy 
vositalar); 
• amalga oshirish mexanizmi (elektron ta’lim texnologiyalari, ommaviy axborot 
vositalari, tinglovchilarning mustaqil ishlari); 
• funksional vazifalarning ijrosi (direktor, direktor o‘rinbosari, o‘quv bo‘limi, professor-
o‘qituvchilar). 
Platformani tanlash
. Kompyuter, planshet hamda smartfonlarga o‘rnatish va 
foydalanish uchun qulay bo‘lgan, shuningdek, hozirda onlayn muloqotlar uchun 
ommalashgan ZOOM dasturidan foydalanishni yo‘lga qo‘yish. 
Dars jadvalini tuzish.
Onlayn mashg‘ulotlarda birinchi e’tiborli jihat – sifatli dars jadvali 
hisoblanadi. Aniq va puxta ishlab chiqilgan dars jadvali onlayn mashg‘ulotlarni tashkil etish 
va o‘tkazishda hamda sifatli ta’lim berishga asos bo‘ladi. Bunda professor-o‘qituvchilar va 
tinglovchilarning imkoniyatlarini e’tiborga olish zarur. 
Dars jarayoni.
Tinglovchilarga onlayn dars o‘tish har qanday o‘quv faoliyati kabi aniq 
maqsadga ega. Shuning uchun onlayn mashg‘ulotlarni o‘tishda uni qanday tashkil etishdan 
avval pedagogik vazifa nimadan iborat ekanligini aniqlash zarur. Onlayn mashg‘ulotlarda 
tinglovchilarni qo‘llab-quvvatlash muhimdir. Tinglovchilar mashg‘ulot davomida nimalarni 
bilishi va bajara olishi kerakligini aniqlash, o‘quv materialini o‘rganish trayektoriyasini 
rejalashtirish, ularning bilimlarini rivojlantirishda bosqichma-bosqich qanday shakllantirish 
kerakligiga e’tiborni qaratish lozim. Shuningdek, tayyorlangan videodarslar ham sifat, ham 
mazmun jihatdan mukammal bo‘lishi kerak. 
Interfaollik
. Onlayn mashg‘ulotlarda o‘qituvchi o‘z tajribasiga, tashkilotchilik 
qobiliyatiga, metodik hamda pedagogik-psixologik bilimlariga tayangan holda quyidagi 
“Aqliy hujum”, “Toifalar jadvali”, “Blits-o‘yin”, “Blits-so‘rov”, “Bahs-munozara”, “Debat”, 
“FSMU” kabi interfaol metodlardan foydalanishi kerak. Onlayn mashg‘ulotlarda interfaol 
metodlarni samarali qo‘llanilishi orqali o‘qituvchi masofadan turib tinglovchilarning aniq 
ta’limiy maqsadga erishishi yo‘lida o‘zaro hamkorlikka asoslangan harakatlarini tashkil etadi, 
yo‘naltiradi, boshqaradi hamda nazorat va tahlil qilish orqali xolis baholash imkoniyatiga ega 
bo‘ladi.