Issn 2181-9580 toshkent davlat pedagogika universiteti ilmiy axborotlari ilmiy-nazariy jurnali

TOSHKENT DAVLAT PEDAGOGIKA UNIVERSITETI ILMIY AXBOROTLARI 
 
2020/2
 
-
yangi mahsulot yaratish va loyihalashda o‘z-o‘zini nazorat qilish, o‘zaro nazorat, 
nazorat usullaridan foydalanish qobiliyati; 
-
konstruktorlik-texnologik faoliyat natijalarini baholash va tahlil qilish, shaxsiy hamda 
kasbiy faoliyat samaradorligi asosida belgilash qobiliyati; 
-
konstruktorlik-texnologik faoliyat bosqichlarida o‘z-o‘zini baholashni amalga oshirish 
qobiliyati: loyihalash, konstruksiyalash, modellashtirish, yuqori darajadagi isteʻmolchi 
talablari va estetik sifatlarini e’tiborga olgan holda dizayn mahsulotini tayyorlash qobiliyati; 
-
ijodiy fikrni (for-eskiz, ijodiy eskiz, ishchi eskizlar) namoyish qilish uchun eskizlarni 
taqdim etish va ishlatish qobiliyati; 
-
dizayn mahsulotini ishlab chiqarishning texnologik ketma-ketligini amalga oshirish 
qobiliyati; 
-
materiallar, jihozlar, konstruksiyalarni tanlashni e’tiborga olgan holda, texnologik 
qayta ishlashning tanlangan metodlarini baholash qobiliyati. 
Shunday qilib, bo‘lajak kasb ta’limi o‘qituvchilarining konstruktorlik-texnologik 
faoliyatga tayyorgarligining motivatsion-qadriyatli, ijodiy-faoliyatli, operatsion-texnologik va 
refleksiv-baholash komponentlari shakllanganligi, dizayn-texnologik faoliyat uchun kerakli 
kasbiy-pedagogik vazifalarni hal qilish va kasbiy kompetentlikni o‘zlashtirish imkonini beradi. 
Tadqiqot ishida biz bo‘lajak kasb ta’limi o‘qituvchilarini tayyorlash jarayonida konstruktorlik-
texnologik faoliyatni bo‘lajak kasb ta’limi o‘qituvchisiga qo‘yiladigan kasbiy talablar, 
psixologik, pedagogik va maxsus bilimlar majmuasi asosida pedagogik faoliyatni amalga 
oshirish qobiliyati, kasbiy kompetentliklar va motivatsion-qadriyatli, ijodiy-faoliyatli, 
operatsion-texnologik va refleksiv-baholash komponentlari birligida kasb ta’limi 
o‘qituvchisining barqaror shaxsiy sifatlari shakllanganligi sifatida ko‘rib chiqdik.