Issn: 2181-1601 Uzbekistan

ǀ
ISSUE 6 
ǀ
2021 
ISSN: 2181-1601
Uzbekistan
 
www.scientificprogress.uz
 
Page 1376
3. Bloggerlar — yuqori kompyuter savodxonligiga ega odamlardir. Agar blog 
muallifi uchun eng asosiysi — yaxshi yozish, deb o'ylasangiz, adashasiz. To'g'ri, 
orfografik va tinish belgilari bo'yicha savodxonlik ham kam ahamiyatga ega emas, 
lekin bundan tashqari blogger texnikani ham yaxshi tushunishi lozim. Agar gap 
shaxsiy blog haqida ketsa, bloggerning oldiga hech kim kelib, uning blogini tekinga 
sozlab bermaydi. Shuning uchun ham blogger dasturlash, veb-dizayn, qidiruv tizimlari 
va ijtimoiy tarmoqlar bilan ishlash sohalarida ham yetarlicha bilimga ega bo'lishi 
lozim. Bundan tashqari, bloggerga oʻz blogini spam yoki fishing-hujumlardan ham 
himoya qilishni bilishi ham zarar qilmaydi. Bloggerlar – marketing guruhlaridir. 
Maqola yozildi, blogda e'lon qilindi, boʻldimi? Aslo unday emas! Blog moʻljallangan 
auditoriya uni o'qishi uchun blogger internetmarketing strategiyalarini o'rganadi: 
qidiruv tizimlari uchun optimallashtirish, ijtimoiy tarmoqlarda targ'ib qilish, matnli 
reklama... Bularni maktabda yoki universitetda oʻqitishmaydi. Dunyoning qaysidir bir 
burchagida yashovchi hamda kulinariyaga oid blog yurituvchi uy bekasi 
yuqoridagilarni o'zi oʻzlashtirishi lozim. 
Bloggerlar - tavakkalchilardir. Blogosferadagi muvaffaqiyat koʻpincha oddiy 
tavakkalchilikdan boshlanadi. Ammo, yoʻl-yoʻlakay uni rivojlantirish uchun koʻproq 
e'tibor qaratish lozim boʻladi. Bloggerlar oʻziga yoqmaydigan ishni tashlab, oʻzi pul 
topishga kirishadi. Aynan shu lahzadan boshlab blogger tadbirkorga aylanadi. Barcha 
moliyaviy risklarni o'z bo'yniga oladi. Eng katta muammo shundaki, blogger o'z 
blogini foydaga chiqara oladimi? 
AQSH, Yevropa hamda Osiyoning ba'zi mamlakatlarida blog yuritib, 
keyinchalik 
yirik 
kompaniyaga 
aylanib 
ketgan 
tajribalar 
juda 
koʻp.
Bilasizmi-yo'qmi, lekin The Huffington Post, Mashable, TechCrunch kabi internet-
nashrlar ham boshida oddiygina blog sifatida ish boshlagan. Bugungi kunga kelib esa 
ular bir necha million dollarlik kompaniyalarga aylanishdi. 
6. Bloggerlar - biznesmenlardir. Blogger oʻz blogidan foyda olishi uchun u 
biznesmen boʻlishi darkor. Mijozlarni qidirish, sotuv, reklama – bularning barchasi 
biznes yuritishning elementlari hisoblanadi. Boshida oddiygina shaxsiy blog sifatida 
ochilgan bloglar, bugungi kunda yirik biznes loyihalariga ham aylanib ketgan.
7. Bloggerlar — yaxshi boshqaruvchilardir. Ular o'z vaqtini to'g'ri taqsimlay 
bilishi lozim. Blogger oʻz vaqtini toʻgʻri rejalashtira olsagina, uning blogi doimiy 
ravishda yangilanib turadi. Agar blog jamoaviy yoki korporativ bo'lsa, uning rahbari 
jamoani 
boshqarib 
turishi 
kerak 
bo'ladi: 
muallif 
va 
kontent-menejerlarni qidirish va ishga yollash, uydan turib ishlashni tashkillashtirish 
hamda uni nazorat qilish. Blogger har kuni boshqaruvga oid ko'plab muhim qarorlarni 
qabul qiladigan odamdir. Yaxshi bloggerlardan yaxshi boshqaruvchilar chiqishiga 
shubha yo'q. 

---

SCIENTIFIC PROGRESS
VOLUME 2