|
ILMIY AXBOROTNOMA
FALSAFA
2016-yil, 2-son
-ekologik ta’lim va targ‘ibot sohasidagi muammolarni hal etish borasida xorijiy
mamlakatlarning ilg‘or tajribalarini o‘zlashtirish;
-ekologik huquqiy tartibotni qaror toptirish va bu boradagi huquqbuzarliklar uchun
javobgarlikning muqarrarligini ta’minlash va boshqalar.
O‘z navbatida, yuqorida sanab o‘tilgan tamoyillar davlatning ekologik siyosatini tatbiq etish
doirasida amalga oshirilishi lozim.
Mamlakatda shaxs-jamiyat-tabiat tizimi va uyg‘unligida barqarorlik hukm surishi uchun uch
subyektning, ya’ni davlat, jamiyat va fuqarolarning o‘zaro munosabatlaridagi qonuniylik asos bo‘ladi.
Binobarin, mazkur subyektlar o‘rtasidagi munosabatlarda uyg‘unlikka, ularning manfaatlari
mutanosibligiga erishilsagina fuqarolarning qulay tabiiy atrof-muhitga bo‘lgan huquqlari amalga
oshadi va ekologik xavfsizlik ta’minlanadi. Ularning bir-biri vakolatlarini, huquqlarini yaxshi bilishi
va hurmat qilishi tabiat va jamiyat aloqalarida barqarorlikning zarur sharti va muhim omili
hisoblanadi.
Shu jihatdan olganda, fuqarolarning ekologik huquqiy ongini shakllantirish borasidagi
munosabatlarni huquqiy tartibga solish sohasidagi bo‘shliqni to‘ldirish yuzasidan “Jamiyat ekologik
huquqiy ongini yuksaltirish” Milliy Dasturini qabul qilish maqsadga muvofiq, deb hisoblaymiz.
Mazkur dasturda ekologik huquqiy ongni shakllantirish vosita va usullarining (ekologik targ‘ibot,
tarbiya va ta’lim) mazmuni, ularni amalga oshirish maqsadi, vazifalari va tashkiliy-huquqiy
mexanizmlarining mohiyatini belgilab beruvchi normalar o‘z ifodasini topishi lozim. O‘z navbatida,
bunday hujjatning qabul qilinishi mamlakatimizda huquqiy demokratik davlatni barpo etilishiga
muhim hissa bo‘lib qo‘shilishi bilan birga, ekologik xavfsizlikni huquqiy vositalar bilan ta’minlashda
muhim omil bo‘lib xizmat qiladi.
Fuqarolar ekologik huquqiy ongini yuksaltirish jarayonining tashkiliy-texnik, iqtisodiy va
huquqiy asoslarini takomillashtirish hamda tegishli qonunchilik hujjatlarida belgilab qo‘yilgan ustuvor
yo‘nalishlarni hayotga tatbiq etish yuzasidan mavjud ayrim muammoviy masalalarni va ularning
yechimlarini quyidagi yo‘nalishlar bo‘yicha ko‘rib chiqish maqsadga muvofiq deb hisoblandi:
-ekologik ta’lim va tarbiya borasidagi muammolar va ularning yechimlari;
-tabiiy atrof-muhitni muhofaza qilish va aholini ekologik huquqiy ongini shakllantirish borasida
davlat hokimiyati organlari, fuqarolarning o‘zini o‘zi boshqarish organlari va jamoat tashkilotlarining
faoliyatini takomillashtirish masalalari;
-fuqarolarning ekologik huquqiy ongini yuksaltirishga qaratilgan ijtimoiy-iqtisodiy mexanizm-
larni va normativ-huquqiy bazani takomillashtirish;
-ekologik huquqiy ongni yuksaltirishga qaratilgan faoliyatni yanada takomillashtirish
maqsadida ilmiy sotsiologik tadqiqotlarni amalga oshirish va boshqalar.
O‘z navbatida, yuqoridagi yo‘nalishlar bo‘yicha tadbirlarni amalga oshirish davlatning aholi
ekologik huquqiy ongi va madaniyatini yuksaltirish borasidagi siyosatini takomillashtirishda muhim
ahamiyat kasb etadi.
Xulosa o‘rnida ta’kidlash joizki, fuqarolarning ekologik huquqiy ongini shakllantirishga
qaratilgan huquqiy ta’lim va targ‘ibot ishlari muayyan bir kampaniya doirasida emas, balki ma’lum
maqsadni ko‘zlab, rejali va samarali tarzda, turli ijtimoiy guruhlarning xususiyatlarini inobatga olgan
holda olib borilishi lozim. Buning uchun ekologik qonunchilikdagi mavjud bo‘shliqlarni to‘ldirish, bu
boradagi huquqni qo‘llash faoliyati samaradorligini oshirish, aholini ekologik huquqiy axborot bilan
ta’minlash tizimini rivojlantirish hamda ekologik huquqiy tarbiya vositalari va usullarini yanada
takomillashtirish bo‘yicha keng qamrovli ishlarni amalga oshirish lozim bo‘ladi.
Zero, O‘zbekiston Respublikasi Prezidenti I.A.Karimov ta’kidlab o‘tganlaridek, “ekologiya
hozirgi zamonning keng miqyosdagi keskin ijtimoiy muammolaridan biridir, uni hal etish barcha
xalqlarning manfaatlariga mos bo‘lib, sivilizatsiyaning hozirgi kuni va kelajagi ko‘p jihatdan ana shu
muammoning hal qilinishiga bog‘liqdir”[4].
Do'stlaringiz bilan baham: |
