Issn 2091-5446 ilmiy axborotnoma научный вестник scientific reports

Keywords: innovation,new economy, 
labour 
market, 
flexibility, 
employment, 
flexible employment place. 
UDK: 338.46:646/469 
MAISHIY XIZMAT KO‘RSATISH KORXONALARIDA MEHNATNI TASHKIL QILISH 
ORQALI XIZMAT SIFATINI OSHIRISHNING ASOSIY YO‘NALISHLARI 
B.S.Boltayev
Samarqand davlat universiteti assistenti, E-mail: 
[e-mail]
 
Annotatsiya. Iqtisodiyotdagi tarkibiy o‘zgarishlar maishiy xizmat ko‘rsatish korxonalarida 
mehnatni tashkil qilish orqali xizmat sifatini oshirishini talab qilmoqda. Ushbu masalining 
dolzarbligidan kelib chiqqan holda maqolada aholiga maishiy xizmat ko‘rsatish insonning ko‘p 
tomonlama ehtiyojlarini qondirishga qaratilgan tizimni takomillashtirish mexanizmlari o‘rganilib 
tegishli taklif va tafsiyalar ishlab chiqilgan. 
Kalit so‘zlar: kasbga tayyorlash tizimi, nodavlat kasbga tayyorlash markazlari, malakali 
kadrlar, raqobatbardoshlik, bandlik markazi. 
 
O‘zbekistonda amalga oshirilayotgan islohotlar ijtimoiy yo‘naltirilgan bozor iqtisodiyotini 
qurish va rivojlantirish bilan bog‘liq bo‘lib, u iqtisodiy va ijtimoiy jarayonlarni, shu jumladan, 
mehnat sohasidagi jarayonlarni ham o‘rganishni taqozo etadi. 
Bu borada O‘zbekiston Respublika Prezidenti I.Karimov quyidagilarni alohida ta’kidlab 
o‘tgan: “O‘tgan yili iqtisodiyotimizni tarkibiy o‘zgartirish va diversifikatsiya qilishni 
chuqurlashtirish, bandlikni ta’minlash, odamlarimizning daromadi va hayot sifatini oshirishning 
muhim omil va yo‘nalishlaridan biri tariqasida xizmat ko‘rsatish va servis sohasini jadal 
rivojlantirish borasidagi tizimli ishlar izchil davom ettirildi.
2015-yilda yalpi ichki mahsulot o‘sishining yarmidan ko‘pi xizmat ko‘rsatish sohasi hissasiga 
to‘g‘ri kelgani bu tarmoqning iqtisodiyotimizdagi o‘rni va ta’siri naqadar katta ekanini ko‘rsatadi. 
Bugungi kunda xizmat ko‘rsatish sohasining yalpi ichki mahsulotdagi ulushi 2010 yildagi 49 foizdan 
54,5 foizga etdi. Jami band aholining yarmidan ko‘pi ushbu sohada mehnat qilmoqda”[1]. 
Aholiga maishiy xizmat ko‘rsatish insonning ko‘p tomonlama ehtiyojlarini qondirishga 
qaratilgandir. Iqtisodiy adabiyotlarda maishiy xizmatning uch turi ajratib ko‘rsatiladi:
– yangi iste’mol qiymatini yaratish bilan bog‘liq xizmatlar; 
177

---