Issn 2091-5446 ilmiy axborotnoma научный вестник scientific reports

 
Annotatsiya. Jahon iqtisodiyotida yuzaga kelayotgan o‘zgarishlar hamda innovatsion 
iqtisodiyotning shakllanishi mehnat sohasida ham sifat o‘zgarishlariga olib kelmoqda. Ushbu 
maqolada axborot kommunikatsiya texnologiyalarining milliy iqtisodiyot hamda mehnat bozori 
rivojlanishiga ta’siri hamda mehnat sohasida yuzaga kelayotgan o‘zgarishlar tahlil qilingan va 
tegishli xulosalar keltirilgan. 
Kalit so‘zlar: innovatsiya, yangi iqtisodiyot, mehnat bozori, egiluvchanlik, ish bilan bandlik, 
egiluvchan ish o‘rinlari. 
Innovatsion rivojlantirish sharoitidagi ustuvor vazifa – bu mamlakatimizni modernizatsiya 
qilish va aholi bandligini ta’minlashning muhim omili sifatida ishlab chiqarish va ijtimoiy 
infratuzilmani yanada rivojlantirishdan iborat. Mustaqilligimizning dastlabki kunlaridan boshlangan 
taraqqiy etgan demokratik bozorga asoslangan, yuqori texnika va texnologiyalar joriy qilishga 
qaratilgan, modernizatsiyalashgan innovatsion iqtisodiyotni shakllantirish borasida salmoqli ishlar 
amalga oshirilib kelinmoqda. 
Bu borada O‘zbekiston Respublikasi Prezidenti I.Karimov quyidagilarni alohida ta’kidlab 
o‘tgan: “Iqtisodiyot va xizmat ko‘rsatish sohasining yuqori sur’atlar bilan barqaror o‘sishi biz uchun 
eng muhim ustuvor yo‘nalish bo‘lgan – aholini bandligini ta’minlash, avvalambor, kasb-hunar 
kollejlari va o‘quv yurtlari bitiruvchilarini ishga joylashtirish uchun zarur sharoitlar yaratadi. 
2015-yilda mamlakatimizda 980 mingdan ortiq ish o‘rni tashkil qilingan bo‘lsa, shuning 60 
foizdan ziyodi qishloq joylarda yaratilgan” [1]. 
Bugungi kunda amaliyotda uchrayotgan terminlardan biri «yangi iqtisodiyot» hisoblanadi. 
Intellektual faoliyatning natijalari bilim, tajriba «yangi iqtisodiyot» sharoitida alohida ahamiyat kasb 
etadi va korxonalarning qolaversa, butun jamiyatning intellektual zahirasini,intellektual resursini 
namoyon qiladi, pirovardida bu jarayon rivojlanishning asosiy shart-sharoitlaridan biriga 
aylanmoqda. Ta’kidlash lozimki, dunyo iqtisodiyoti yangi ilmiy-texnologik inqilob ta’sirida 
harakatlanmoqda. Bu inqilob keltirib chiqargan o‘zgarishlar shunchalik chuqurki, mutaxassislar 
tomonidan maxsus atamani – “yangi iqtisodiyot” (inglizcha– neweconomy)tushunchasi paydo 
bo‘lishiga olib keldi. Yangi iqtisodiyotning shakllanishi tadbirkorlik faoliyatida innovatsion 
jarayonlarni kengaytirish va muvofiqlashtirishga olib kelgan holda, tadbirkorlikni amalga 
oshirishning ko‘pchilik an’anaviy usullaridan voz kechishni ham zarurat etmoqda. 
174

---