Issn 2091-5446 ilmiy axborotnoma научный вестник scientific journal 2017-yil, 4-son (104) gumanitar fanlar seriyasi

Globalization and its influence to “Mass Culture” in social life 
Abstract. 
In the article the processes of globalization and its influence to “mass culture” in 
social life are analyzed. Nowadays the process of globalization and information lead to increase the 
influence of “mass culture” to life of society and to enlarge the process of globalization in the sphere 
of spiritual life. “Mass culture” influences to the issues of persons’ behavior and social life. The issues 
of relationships, links and development are analyzed.
 
Keywords:
globalization, informational – communication, informational society, civilization, 
social life, “mass culture”, spiritual globalization. 
 
Hozirgi davr jahon miqyosida globallashuv jarayoni kuchayayotgan, insoniyatning
axborotlashgan jamiyat bosqichiga oʻtishi tobora chuqurlashib borayotgan davrdir. Tezkor axborot va 
kommunikatsiya texnologiyalarining rivojlanishi natijasida dunyodagi turli xalq va elatlar orasida 
globallashuv jarayonlari sodir boʻlayotgan vaqtda butun insoniyat, jumladan xalqimiz ham 
ma’naviyatga salbiy ta’sir koʻrsatishi mumkin boʻlgan turli mafkuraviy tahdidlar ostida yashamoqda. 
Bugungi kunda globallashuv insoniyat jamiyati taraqqiyoti va ijtimoiy jarayonlarning jahon 
miqyosida integratsiyalashib, olamshumul ahamiyat kasb etib borishini oʻzida ifodalovchi tushuncha 
boʻlib, globallashuv kommunikatsiya vositalaridagi tub oʻzgarishlar, investitsiyalardagi yangi 
jarayonlar, dunyoga yangicha qarashning vujudga kelishida namoyon boʻladi. Globallashuv muayyan 
hodisa, jarayonning koʻplab mintaqalar, davlatlar va butun yer yuzini qamrab olganini hamda
ularning insoniyat taqdiriga daxldor ekanligini anglatuvchi tushunchadir. 
Shu bilan birgalikda, ayni paytda globallashuv zamonaviy sivilizatsiya taraqqiyotining muhim 
xususiyatini oʻzida ifodalab, u jamiyat hayotining iqtisodiy, ijtimoiy-siyosiy va ma’naviy-mafkuraviy
sohalarini qamrab oladi. Hech qanday milliy chegaralarni tan olmaydigan, dunyoda umumiy 
texnologik va axborot maydoni yuzaga kelayotganini ifodalovchi texnologik globallashuv, ijtimoiy-
siyosiy jarayonlarni oʻzida ifodalovchi siyosiy globallashuv, fan, madaniyat, ta’lim va axloq 
sohasidagi jarayonlarni ifodalovchi ijtimoiy-madaniy globallashuv jarayonlari sodir boʻlmoqda. 
Globallashuv jarayonining yana bir oʻziga xos jihati uning mafkuraviy ta’sir oʻtkazish vositasi 
sifatida gʻoyaviy jarayonlarga ta’sir koʻrsatishidir. 
Globallashuv jarayoni ijtimoiy hayotning barcha sohalariga ta’sir koʻrsatib, alohida 
mamlakatlarni jahon hamjamiyati bilan bogʻlaydi. Bugungi kunda globallashuv jamiyat 
taraqqiyotidagi qonuniy tarixiy jarayon boʻlib, globallashuv jarayoni insoniyat jamiyati yangi 
sivilizatsiyaviy sifat oʻzgarishini oʻzida ifodalamoqda. Jamiyat hayotidagi bu yangi sifat darajasi 
axborot-texnikaviy yoki axborot-kompyuter sivilizatsiyasi sifatida e’tirof etilmoqda. Axborot 
texnologiyasi iqtisodiyot rivojlanishi, qishloq xoʻjaligi, sanoat, xizmat koʻrsatish sohalaridan keyingi 
oʻrinni egallaydi. 
Globallashuv va axborotlashuv barcha mamlakatlarning iqtisodiyoti, siyosati va ma’naviy 
hayotiga oʻz ta’sirini oʻtkazadi. Mafkuraviy globallashuv axborot vositalarining rivoji va bu sohada 
sodir boʻlayotgan oʻzgarishlar bilan bogʻliq boʻlib, axborotni keng jamoatchilikka yetkazib beruvchi 

---