Issn 2091-5446 ilmiy axborotnoma научный вестник scientific journal 2020-yil, 2-son (120) gumanitar fanlar seriyasi

Ключевые слова:
женское предпринимательство, занятость, производство, льготный 
кредит, ментальная особенность, экономическая грамотность 
 
Analysis of the social aspect of the development of female entrepreneurship 
Absrtact. 
This article reveals the essence and content of women's entrepreneurship, sociological 
analysis of the work on the development of women's entrepreneurship, as well as ways to solve existing 
problems in the field of entrepreneurship.
 
Keywords: 
women's entrepreneurship, employment, production, preferential credit, mental 
peculiarity, economic literacy 
So‘nggi yillarda mamlakatimizning har tomonlama taraqqiy etishi borasida juda katta ishlar 
amalga oshirilmoqda. Shubhasiz, xotin-qizlar tadbirkorligi borasida ham amalga oshirilgan ishlar taqsinga 
sazovor. Jumladan, 2019-yil 7-martdagi O’zbekiston Respublikasi Prezidentining “Xotin-qizlarning mehnat 
huquqlari kafolatlarini yanada kuchaytirish va tadbirkorlik faoliyatini qo‘llab-quvvatlashga oid chora-
tadbirlar to‘g‘risida”gi PQ - 4235-sonli Qarori. [1] bugungi kunda dolzarb bo‘lib turgan xotin-qizlar 
mehnat huquqlari hamda tadbirkorligini yanada qo‘llab-quvvatlash hamda ularning erkin faoliyat olib 
borishlari uchun keng imkoniyatlar yaratib berishga qaratilgan meyoriy hujjat sifatida qabul qilinganligini 
e’tirof etib o‘tish lozim. 
Mazkur Qarorda qayd etib o‘tilganidek O’zbekiston Respublikasida xotin-qizlarning huquqlari va 
qonuniy manfaatlariga so‘zsiz rioya etilishini ta’minlash, ularning mehnat huquqini kafolatlash shuningdek 
ayollar tadbirkorligini qo‘llab-quvvatlash borasida bir qator amaliy ishlar amalga oshirib kelinmoqda. 
Jumladan, respublikamizda xotin-qizlarning tayanchi va ularning manfaatlarini himoya qilish 
maqsadida faoliyat olib borayotgan O’zbekiston Xotin-qizlar qo‘mitasining faoliyati tahlil qilinib, uning 
vazifalar doirasi qayta ko‘rib chiqildi, tuman (shahar) xotin-qizlar qo‘mitalari tuzilmasida xotin-qizlar bilan 
ishlash va oilalarda ma’naviy-axloqiy qadriyatlarni mustahkamlash bo‘yicha mutaxassis lavozimi joriy 
etildi. Shuningdek, O’zbekiston Respublikasi Vazirlar Mahkamasi huzurida «Oila» ilmiy-amaliy tadqiqot 
markazi va uning hududiy bo‘linmalari, Xotin-qizlarni va oilani qo‘llab-quvvatlash jamoat fondi tashkil 
etildi va boshqa bir qator samarali ishlar amalga oshirildi. 
Bugungi kunga kelib xotin-qizlar iqtisodiyotning qariyb barcha jabhalarida faoliyat olib 
bormoqdalar. O’zbekiston Respublikasi Xotin-qizlar Qo’mitasi hamda tegishli vazirlik, idora va 
tashkilotlar bilan hamkorlikda xotin-qizlar bandligini ta’minlash, ularni tadbirkorlik bilan shug‘ullanishga 
keng targ‘ib qilish maqsadida bir qator amaliy ishlar amalga oshirildi. Jumladan, o‘tgan 2018-yilning 
o‘zida xotin-qizlar uchun 131 074 ta yangi ish o‘rinlari yaratilgan bo‘lib, shulardan 29 785 tasi korxona va 
tashkilotlarda, 8 679 tasi kichik biznes sohasida, 3 664 tasi kasanachilik, 8 967 tasi oilaviy biznes sohasida, 
62 335 tasi ipakchilik sohasida hamda 18 623 tasi boshqa sohalarda ish o‘rinlari yaratilgan bo‘lsa, 2019-
yilning dastlabki choragida 40 000 ta doimiy ish o‘rinlari yaratilgan bo‘lsa, 30 000 ga yaqin xotin-qizlar 
vaqtincha ish bilan ta’minlanganligi yuqorida bildirilgan fikrlarning isboti sifatida ko‘rilishi mumkin. 
Birgina 2019-yilning dastlabki uch oyi davomida 5 000 nafar xotin-qizlarga tadbirkorlik faoliyatini yo‘lga 
qo‘yishlariga amaliy yordam ko‘rsatildi [2]. 

---