Issiqlik izolyastiyasi va akustik materiallarning asosiy

16.2-rasm. Issiqlikni himoyalovchi materiallarni amalda qullanilishiga doir misollar. a)sanoatda ; b) devor ichki yuzalarida; c) mansard xonalar shiftlarida; d) tashqi devorlarda.

Issiqlikni himoyalovchi materiallar asosiy xom-ashyoning turi, shakli va tashqi ko‘rinishi, tuzilishi, zichligi, qattiqligi va issiqlik o‘tkazuvchanligi bo‘yicha turlanadi.

Asosiy xom-ashyoning turiga qarab issiqlikni himoyalovchi materiallar mineral xom-ashyoning har xil turlari (tog‘ jinslari, shlok, shisha, asbest) asosida tayyorlanadigan noorganik, organik (ular ishlab chiqarishuchun tabiiy organik materiallar-torf, yog‘och tolali materiallar xom-ashyo bo‘lib xizmat qiladi) va plastik massalardan tayyorlanadigan materiallarga bo‘linadi.
Shakli va ko‘rinishi bo‘yicha issiqlikni himoyalovchi materiallar donalab tayyorlanadigan qattiq (plita, qobiq, sement, g‘isht, silindr va egiluvchan mato, shnur eshilgan bog‘liqlar) yumshoq va sochiluvchan (paxta, perlit qum, vermikulit) materiallarga bo‘linadi.
Tuzilishi bo‘yicha issiqlikni himoyalovchi materiallar tolali (mineral paxta, shisha tolali donador perlit, vermikulit) g‘ovak (g‘ovak betonlardan tayyorlangan buyumlar, ko‘pik shisha) materiallarga turlanadi.
Zichligi bo‘yicha issiqlikni himoyalovchi materiallar: 15, 25, 35, 50, 75, 100, 125, 150, 175, 200, 225, 250, 300, 350, 400, 450, 500, 600, 700 markalarga bo‘linadi.
Bikrligi bo‘yicha yumshoq (m) materiallar (mineral paxta, shisha paxta) yarim bikr-sintetik bog‘lovchi asosida tayyorlangan shtapelli, shisha toladan qilingan plitalar va boshqalar, bikr (j) sintetik bog‘lovchi asosida mineral paxtadan qilingan plitalar, yuqori bikr (J), qattiq (T) materiallar bo‘ladi.
Issiqlik o‘tkazuvchanligi jihatdan issiqlik izolyasiyasi materiallari quyidagi sinflarga bo‘linadi:
A-issiqlik o‘tkazuvchanligi past - 0,06 Vt/(m.⁰C); issiqlik o‘tkazuvchanligi o‘rtacha - 0,06...0,115 Vt/(m. ⁰C) gacha;
V-issiqlik o‘tkazuvchanligi yuqori - 0,115...0,175 Vt/(m. ⁰C) gacha.
Vazifasiga ko‘ra issiqlikni himoyalovchi materiallar issiqlik izolyasiyasi (himoyalovchi)-qurilish(qurilish konstruksiyalarini issitish uchun) va issiqlikni himoyalovchi montaj (sanoat asbob-uskunalari va trubaprovodlarni issiqlik izolyasiyasi uchun) materiallarga bo‘linadi.
Umuman olganda issiqlik izolyasiyasi materiallari 2 xil bo‘ladi: organik hamda anorganik issiqlik izolyasiyasi materiallarga bo‘linadi.