Исломий молия тарихи исломий ва анъанавий молиялаштириш ўртасидаги тафовут

сукук ал-ижарада – SPV ва қарздор мулкни олди-сотди шартномаси (қарздор активни SPV га сотади) ва мазкур мулк ижара шартномаси (қарздор SPV дан ижара муддати якунида сотиб олиш ҳуқуқи билан активни ижарага олади)ни тузадилар;
– cукук ал-муробаҳада – қарздор ва инвесторлар ўртасида мулкни олди-сотди шартномаси тузилади, унга кўра инвесторлар маълум бир активни мулк сифатида сотиб оладилар, сертификат баҳоси эса мазкур мулкнинг харид баҳосини ташкил этади. Инвесторлар даромади мазкур мулкни тўлов муддатини узайтириб (муробаҳа) қайта сотиш йўли орқали олинади;
сукук ас-салам – сукук ал-муробаҳанинг кўзгудаги акси кабидир. Сукукнинг ушбу шаклида қарздор – товар ишлаб чиқарувчи инвесторларга товарни етказиб бериш муддатини узайтириш орқали сотади, товар баҳоси эса дарҳол тўланиши лозим. Товарни етказиб бериш муддатлари шартномада кўрсатилган бўлиши керак. Инвесторнинг даромади товар харид баҳосидан чегирмалар ҳисобига шаклланади. Олинган товар кейинчалик сотиб юборилиши мумкин;
сукук ал-истисноъ – мумтоз лойиҳавий молиялаштириш ёки пудрат шартномасининг ўхшаши ҳисобланади. Истисноъ шартномасининг шартларига кўра мулк ташкил этилгунига қадар сотилади. Инвесторлар, қоидага кўра, сметага мувофиқ босқичма-босқич тўловни амалга оширади. Товар баҳоси шартнома тузилаётган вақтда томонлар ўртасида келишиб олиниши шарт. Инвесторларнинг даромади сукук ас-салам усули бўйича шакллантирилади.


Вадиа – бу ишончга асосланган вазифаларни бажаришдир; мулк эгаси ва иккинчи томон ўртасидаги шартнома бўлиб, унга кўра мулк эгаси ўз активларини сақлаш ва ишлатиш учун беришга рози бўлади. Вадиа шартномасига кўра, мулк эгаси ўз мулкини сақловчи ва бутлигини кафолатловчи сифатида иштирок этадиган ишончли шахсни тайинлайди. Ишончли шахс мулк эгасининг ўзи ёки унинг оила аъзолари томонидан тайинланиши мумкин.


Ваколат – бу агентлик шартномаси бўлиб, унда агент бирон-бир фаолият ёки битимда буюртмачининг манфаатларини ифодалайди ва бажарилган хизмат учун тўлов олади. Ушбу шартномадан бир томон (агент)нинг ваколатли шахс сифатида, бошқа томоннинг манфаатларини ифодалаш учун иштирок этишида ҳам фойдаланиш мумкин.