Исломда мерос ва унинг тақсимоти

ОТА БИР ОПА-СИНГИЛЛАРНИНГ МЕРОСДАГИ 
ҲОЛАТЛАРИ 
 
Ота бир опа-сингилларнинг меросдаги ҳолатлари 
қуйидагилардир: 

---

www.madrasa.uz
 
89 
- Ота бир опа ёки сингил бир ўзи бўлиб, унинг ота бир 
акаси ёки укаси, уни ҳажб қилиши мумкин бўлган меросхўр 
ва маййитнинг туғишган опаси ёки синглиси бўлмаганда ярим 
1/2 олади. 
Мисол: бир киши вафот этиб, ўзидан хотини, ота бир 
опаси ва амакисини қолдирди. Хотинга тўртдан бир 1/4. Ота 
бир опага ярим 1/2. Амакига асабалик жиҳатидан қолган 
улуш.
Масаланинг асли 4 
Хотин 
тўртдан бир 1/4 
1 та улуш 
Ота бир опа 
ярим 1/2 
2 та улуш 
Амаки 
асабалик 
жиҳатидан қолган 
улуш 
1 та улуш 
- Ота бир опа-сингиллар иккита ва ундан кўп 
бўлганларида ака ёки укалари, яъни бирга асаба бўлишлари 
мумкин бўлган меросхўрлар ва ота бир опа-сингилларни ҳажб 
қилиши мумкин бўлган меросхўрлар бўлмаганда учдан икки 
2/3 оладилар. 
Мисол: бир аёл вафот этиб, ўзидан она бир икки ука, ота 
бир опа ва сингил қолдирди. Она бир икки ука учдан бир 1/3 
оладилар. Ота бир опа ва сингил учдан икки 2/3 оладилар. 
- Ота бир опа-сингиллар битта ёки ундан кўп 
бўлганларида ҳам ярим 1/2 ни олувчи туғишган опа ёки 
сингил билан бўлиб, ўша туғишган опа ёки сингилни асаба 

---

www.madrasa.uz
 
90 
қилувчиси бўлмаганда, у билан учдан икки 2/3 ни мукаммал 
олиш учун ота бир опа-сингиллар битта бўлсин, кўп бўлсин 
олтидан бир 1/6 оладилар. 
Мисол: бир аёл вафот этиб, ўзидан туғишган синглиси, 
ота бир опаси ва амакисини қолдирди. Туғишган сингил ярим 
1/2 ни олади. Ота бир опа олтидан бир 1/6 олади. Амаки 
асабалик жиҳатидан қолган барча улушни олади.
Масаланинг асли 6 
Туғишган сингил ярим 1/2 
3 та улуш 
Ота бир опа 
олтидан бир 1/6 
1 та улуш 
Амаки 
асабалик 
жиҳатидан қолган 
барча улуш 
2 та улуш 
- Ота бир опа-сингиллар ўзлари билан бирга ота бир ака 
ёки укалари бўлса, уларнинг сабабидан асаба бўладилар. 
Мисол: бир киши вафот этиб, ўзидан қизи ва ота бир 
синглиси билан ота бир укасини қолдирди. Қиз ярим 1/2 
олади. Ота бир синглиси билан ота бир укаси қолгани 
меросни асабалик жиҳатидан “бир эркакка икки аёл улуши” 
қоидасига биноан бўлиб оладилар. 
- Ота бир опа-сингиллар битта ёки ундан кўп 
бўлганларида ҳам улар билан бирга маййитнинг қизи ёки 
ўғилнинг қизи бўлса ва ота бир опа-сингилларнинг 
бошқанинг сабабидан асаба қилувчи ота бир ака ёки укалари 
бўлмаса, улар қизнинг сабабидан асаба бўладилар.

---