Islom karimov nomidagi toshkent davlat texnika universiteti olmaliq filiali «energetika va mashinasozlik» fakulteti

Tushuntiruv yozuvini rasmiylashtirish qoidalari

Tushuntiruv yozuvi va chizmalar GOST O‘zbekiston talablariga mos holda amalga oshiriladi. Tushutiruv yozuvi tushunarli, mantiqiy ketma–ketlikda, iloji boricha qisqa lekin mundarija asosida bo‘lishi kerak. Tushuntiruv yozuvida umumiy tushunchalar, hisoblash formulalarini keltirib chiqarish, spravochnik va qo‘llanmalardan parchalar keltirish tavsiya etilmaydi. Adabiyotlarga ssilka yoki raqamlar berilib, tushuntiruv yozuvi oxirida keltirilib o‘tiladi. Har bir varoq matn arab raqamlarida varoqning pastki qismi o‘rtasida nomerlanadi. Tushuntiruv yozuvi mundarijasi, bob, bo‘lim va qismlarga ajratilishi kerak. Har bir ajratilgan matn yangi varoqdan boshlanishi kerak. Bo‘limlar ketma–ketlikda arab raqamlarida nomerlanadi va oxirida tochka qo‘yilmaydi. Bo‘limlar va boblar katta harflar bilan, oxirida tochka qo‘ymasdan, tagiga chizmasdan, qisqa va mundarija asosida aniq ko‘rinib turadigan shaklda yozilishi kerak. Mundarijada bob, bo‘lim va qismlar nomerlari ko‘rsatiladi va oxirida tochka qo‘yilmaydi. Ichki qismdagi ma’lumotlardan oldingi va keyingi qismlarda foydalanilishi mumkin. Bu holda ma’lumot foydalanilgan qismga ssilka beriladi yoki qavs ichida izoh beriladi. Kurs ishida standartga mos keluvchi ilmiy – texnik atamalardan, belgilar va belgilanishlardan, qiymatlardan fodalaniladi.

Kurs ishining matnida ruxsat etilmaydi:

-ilmiy – texnik terminlarni o‘zgartirish;

-so‘zlarni qisqartirish;

-shevada yozish;

-bir ilmiy – texnik termin uchun qabul qilingan so‘zni boshqa so‘z yoki tushuncha bilan almashtirish.

Formulalar tushunarli va aniq bo‘lishi, barcha fizik kattaliklar birliklari xalqaro birliklar sistemasi asosida belgilanishi kerak. Formulada keltirilgan kattaliklar sharhi formula bilan bir qatorda yozilmasligi (formula tugaganidan keyin yoki hisob kitoblardan oldin) yozilishi kerak. Ya’ni formuladan so‘ng “bu yerda:” so‘zi qo’yilib, keyin izohlanadi va matnda keltirilgan bitta belgi bir marta izohlanadi.