Банк акциядорларига дивидендлар эълон килинганда кандай бухгалтерия ўтказмаси амалга оширилади? Жамият акционерлик тижорат банки булса, дивидендлар эълон килиниб, тулаб берилаётганда куйидаги бухгалтерия утказмаси амалга оширилади:
Оралик дивидендлар учун:
Дт 31206 – Соф фойда (зарар) Кт 29822 – Тулов учун дивидендлар
Йиллик дивидендлар учун:
Дт 31203 – Таксимланмаган фойда Кт 29822 – Тулов учун дивидендлар
Кайта санаш вактида кассада камомад аникланганда ва у тегишли тартибда копланганда кандай бухгалтерия ўтказмаси берилади? ДТ 19935 Кайта санашда ортикча аникланган пул маблаги
Кт 19903 Инкассация тушуми
Дт мижоз хисоб раками
Кт 19935 Кайта санашда ортикча аникланган пул маблаги
«Ўзбекистон Республикаси банкларида касса амалларининг бухгалтерия ҳисобини юритиш» қоидалари
ЎзР АВ 24.07.2006 й. 1602-сон
Банк хизматлари офисларида бухгалтерия ишлари кандай ташкил этилади? Банк хизматлари офисларида бухгалтерия ҳисоби мавжуд иш ҳажмидан келиб чиққан ҳолда мазкур Йўриқнома талаблари доирасида ташкил этилиши лозим.
Банк хизматлари офисларида дастлабки назоратни ўтказиш учун масъул ижрочи бухгалтер штати билан таъминланган бўлиши лозим. Жорий назорат банк хизматлари офиси бухгалтерияси бошлиғи томонидан (бундан буён матнда етакчи бухгалтер деб юритилади) амалга оширилади.
Банк хизматлари офисларидан ўтказиладиган тўловлар жорий назоратдан ўтказилганидан сўнг амалга оширилади. Бунда тўловлар жорий назоратдан ўтказилганлиги банк филиалининг Бэк-офиси бошлиғи ёки Бош бухгалтери томонидан тасдиқланиши талаб этилмайди.
Банк хизматлари офислари уларда амалга оширилган операция ва ўтказилган тўловларнинг назоратини таъминлаш мақсадида, операцияларга ва (ёки) тўловларга асос бўлган ҳужжатлар, шу жумладан пул-ҳисоб-китоб ҳужжатларининг электрон нусхасини банкка (филиалга) тақдим этиши мумкин.
Банк хизматлари офисларида банк иш куни давомида амалга оширилган операцияларга асос бўлган пул ҳисоб-китоб ҳужжатлари белгиланган тартибда якуний назоратдан ўтказилиши лозим.
Банк хизматлари офисларида кунлик бухгалтерия ҳужжатлари йиғмажилди мазкур Йўриқноманинг 7-параграфида белгиланган тартибда шакллантирилиши ва сақланиши ёки шакллантирилган кунлик бухгалтерия ҳужжатлари йиғмажилди сақлаш учун даврий равишда, лекин бир ойда камида бир маротаба банк хизматлари офисини ташкил этган банкка (филиалга) етказилиши лозим. Мазкур ҳолат банкнинг ички қоидаларида (ҳужжатларида) аниқ кўрсатилиши лозим.
Ушбу қоидаларга қатъий риоя қилиш имконияти мавжуд бўлган банклар (филиал) банк хизматлари офислари очиши мумкин.
Банк раҳбари ва бош бухгалтери ўзларига қарашли бўлган минибанкларда бухгалтерия ишларини тўғри ташкил қилиш ва банк операцияларини аниқ ва ўз вақтида бажарилиши устидан доимий назорат ўрнатишлари лозим.
Ўзбекистон Республикаси банкларида бухгалтерия хисобини юритишни ва бухгалтерия ишларини ташкил килиш тартиби тўгрисида йўрикнома 2008 йил 11 июл 1834- сон