+ишло+ хыжалик ишлаб чи+ариш фондлари ва

Экстенсив қишлоқ хўжалиги-кам маблағ ва кам меҳнат сарфлаш (қилиш) асосида экин майдонларини кенгайтириш ва чорва моллари сонини кўпайтириш ҳисобига кам ҳосил ва кам маҳсулот етиштириш. Экстенсив қишлоқ хўжалиги катта хўжалиги катта майдонларда олиб борилади. Ялпи ҳосил ортса-да, лекин унинг ҳосилдорлиги ошмайди. Мана шу хусусиятлари билан интенсив қишлоқ хўжалигининг акси ҳисобланади.
Элювиал ётқизиқлар-нураш жараёнида ҳосил бўлган ва ўз жойини ўзгартирмаган маҳсулотлар.
Эол ётқизиқлар-шамоллар учириб олиб келиб ётқизиши натижасида ҳосил бўлган тоғ жинслари.
Ўсимликшунослик-қишлоқ хўжалигининг асосий тармоқларидан бири бўлиб, у маданий ўсимликларнинг келиб чиқиши, агроэкологик ва биологок хусусиятлари ҳамда ҳудудий тарқалишини ўрганади. Ўсимликшунослик далачилик, сабзавотчилик, мевачилик ва бошқа тармоқларга ажратилади.
Ўғит-тупроқлардаги озиқ моддаларни ҳаракатга келтирадиган ва ўсимликларнинг ўсиши учун таркибида озуқа элементлари бўлган моддалар. Қишлоқ хўжалигида фойдаланиладиган ўғитлар кимёвий таркибига кўра уч гуруҳга-органик, минерал ва бактериал ўғитларга бўлинади.
Чорвачилик-қишлоқ хўжалигининг йирик тармоқларидан бири, у халқ хўжалигида муҳим ўрин тутади. Чорвачилик аҳоли учун озиқ-овқат маҳсулотлари (сут, гўшт, ёғ, тухум), енгил саноатнинг бир қатор тармоқлари(кўн-пойабзал, тўқимачилик, мўйна саноати ва бошқалар) учун хом ашё етказиб беради. Озиқ-овқат саноатини эса гўшт ва сут маҳсулотлари билан таъминлайди. Жаҳон миқёсида чорвачилик маҳсулотларининг асосий қисми мўътадил минтақага тўғри келади. Чорва молларининг умумий сони 4,2 млрд, паррандалар эса 15,5 млрд. бошга яқин. Чорвачиликнинг муҳим хусусиятларидан бири чорва моллари сони одатда, ривожланаётган мамлакатларга, улардан олинадиган маҳсулотлар ҳажми эса ривожланган мамлакатларга тўғри келади.
Чўчқачилик-чорвачиликнинг муҳим интенсив тармоқларидан бири. Ундан асосан гўшт ва ёғ олинади. Чўчқачилик мўътадил минтақанинг дашт ва ўрмон-дашт зоналарида энг кенг тарқалган. Жаҳон аҳолиси истеъмол қиладиган гўштнинг 40 % ини етказиб беради. Чўчқачилик мусулмон мамлакатларидан ташқари, аҳолиси зич жойлашган ареалларда, йирик саноат марказлари яқинида, интенсив чорвачилик ҳудудларида ривожланган. Жаҳонда боқиладиган чўчқаларнинг қарайб тенг ярми Осиё мамлакатларига, биринчи навбатда Хитойга тўғри келади.