+ишло+ хыжалик ишлаб чи+ариш фондлари ва

Ишлаб чиқаришга тааллуқли бўлмаган фондлар-ишлаб чиқариш жараёнида бевосита иштирок этмаса-да, лекин корхоналар ишлаб чиқариши ва хўжалик фаолиятида зарур бўлган меҳнат воситалари. Умумий овқатланиш, қурилиш, спорт ва соғломлаштириш масканлари, савдо-сотиқ, кинотеатр ва бошқалар ишлаб чиқаришга тааллуқли бўлмаган фондларга киради.
Ихтисослашув-муайян маҳсулот ишлаб чиқаришга мослашиш жараёни. Меҳнат тақсимоти таъсирида ишлаб чиқариш ихтисослашуви вужудга келади. Қишлоқ хўжалиги корхонасининг бир турдаги товар аҳамиятига эга бўлган маҳсулот (пахта, дон, қанд лавлаги, гўшт, сут, тери, жун, тухум ва бошқалар) ишлаб чиқариши бўйича иштирокига ихтисослашув дейилади.
Иқлим-шу жой учун хос бўлган об-ҳавонинг муайян даврлар мобайнида доимий такрорланиб туриши.
Йилқичилик-чорвачиликнинг энг қадимий тармоқларидан бири, халқ хўжалигида муҳим ўрин тутади. Йилқиларнинг энг асосий маҳсулдорлиги уларнинг иш лаёқати билан баҳоланади. Гўшт ва сути шифобахш хусусиятларига эга. Йилқилардан спорт мусобақаларда, транспорт воситаси сифатида, ер ҳайдашда, геологик разведка ишларида, илмий экспедицияларда кенг фойдаланилади. Ўрта Осиё, шу жумладан, Ўзбекистон қорабайир отлари билан дунёга машҳур.
Мелиорация–қишлоқ хўжалигида фойдаланиладиган ерларнинг ҳолатини яхшалаш учун амалга ошириладиган агротехник ва гидротехник тадбирлар мажмуи. Мелиорациянинг 40 дан ортиқ тури мавжуд(ерларни қуритиш, чангалзорлардан тозалаш, ихотазорларни вужудга келтириш ва улар майдонини кенгайтириш, қор тўплаш, ерларни гипслаш ва маълум бир маданий ўсимликларни кузда ҳосили йиғиб олингандан сўнг майдалаб далага сепиб юбориш ёки кунгабоқар ва маккажўхори ҳосили йиғиб олинмай далада қолдириш).
Мойли экинлар-мой олиш мақсадида экиладиган ўсимликлар. Кунгабоқар, махсар, зайтун, кунжут, соя, ерёнғоқ киради. Мойли экинларга яна ғўза, толали зиғир ва наша экинларини ҳам киритиш мумкин. Мойли экинлар дунё аҳолисининг истеъмолида фақатгина донли экинлардан кейинги ўринда туради. Мойли экинлар асосан АҚШ, Россия, Ҳиндистон, Канада, Бразилия, Аргентина, Хитой ва Покистонда кўп етиштирилади. Ўзбекистонда зиғир, кунжут, кунгабоқар, ерёнғоқ, соя каби турлари экилади.