Uchinchi masala. Berilgan: tashqi yuklar ta’siridan hosil bo‘lgan eguvchi moment M, elementning ko‘ndalang kesim o‘lchamlari b va h, beton va armatura sinflari, armatura kesim yuzasi As.
Talab etiladi: elementning yuk ko‘tara olish qobiliyatini tekshirish. Echish tartibi:
Element uchun beton himoya qatlami qabul qilinib, armaturaning og‘irlik markazidan cho‘ziladigan kirragacha bo‘lgan a=+d/2 (armatura bir qator joylashgan bo‘lsa) masofa hisoblanadi.
Element ko‘ndalang kesimi ishchi balandligi aniqlanadi h0=h–a.
(3.8) formuladan siqilish zonasining balandligi x va (3.9) formuladan aniqlanadi.
(3.1) formuladan ξr hisoblanadi va ξ≤ξr shart tekshiriladi.
SHart bajarilgan taqdirda (3.16) yoki (3.17) formulalardan element yuk ko‘tarish qobiliyati Mu aniqlanadi.
Quyidagi shart tekshiriladi: M Mu. SHart bajarilgan taqdirda elementning yuk ko‘tarish qobiliyati moment ta’siriga etarli hisoblanadi. Aks holda elementning ko‘ndalang kesim o‘lchamlari yoki beton va armataning sinflari oshirilishi talab etiladi.
Ikki tomonlama armaturalangan to‘g‘riburchakli kesim hisobi
Armaturalar element ko‘ndalang kesimining cho‘ziladigan va siqiladigan zonalariga joylashtiriladigan bo‘lsa, bunday kesimlar ikki tomonlama armaturalangan kesimlar deb ataladi.
Odatda siqiladigan zonadagi betonning mustahkamligi etarli bo‘lmagan holatlarda siqiladigan beton kesimga armatura joylashtiriladi.
Kesim siqilish zonasiga armaturalar konstruktiv talablar bo‘yicha yoki hisob orqali qo‘yilishi mumkin.
Ikki tomonlama armaturalangan kesimlar iqtisodiy jihatdan samarasiz hisoblanadi.
Siqiladigan zonada joylashtiriladigan bo‘ylama armaturalar siqilish natijasida qobarib ketmasligi uchun ular siqiladigan elementlardagidek ko‘ndalang armaturalar bilan jihozlanadi.
Ikki tomonlama armaturalangan kesimda holil bo‘ladigan zo‘riqishlar sxemasi 3.3 rasmda keltirilgan.
–rasm. Ko‘ndalang kesimi to‘g‘ri burchak bo‘lgan ikki yoqlama armaturalangan normal kesim kuchlanishi
Ko‘ndalang kesimi ikki tomonlama armaturalangan element uchun muvozanat tenglamalari quyidagi ko‘rinishga ega bo‘ladi:
RsAs= Rbbx+RscA's; (3.19)
M ≤ Rbbx(h0–0,5x)+Rsc A's (h0–a′); (3.20)
M ≤ αmbh0Rb+RscA's (h0–a′); (3.21)
Ikki tomonlama armaturalangan to‘g‘riburchakli kesimlarni hisoblash blok sxemasi 3.6 rasmda keltirilgan.
Ikki tomonlama armaturalangan to‘g‘riburchak kesimli elementlarni loyihalashda ikki turdagi masalalar uchraydi.
Do'stlaringiz bilan baham: |