Ishlabchiqarishda boshqaruv fakulteti «buxgalteriya hisobi va audit» kafedrasi

Xom-ashyo - dastlabki mehnat ta’siriga uchragan, lekin, hali sanoat ishlab chiqarishi jarayonida ishtirok etmagan va iste’mol qilishga tayyor bo‘lmagan mehnat buyumi. Xom-ashyoga qishloq xo‘jaligi mahsulotlari, tog‘-kon sanoati mahsulotlari kiradi. Bunday mehnat buyumlari keyinchalik sanoat ishlab chiqarish jarayonida ishtirok etib, ishlab chiqarilgan mahsulotlarning moddiy asosini tashkil qiladi. Masalan, paxta tozalash zavodlari uchun momiq (daladan terib olingan paxta), konserva zavodlari uchun pomidor, karam, bodring, pateson, shaftoli, o‘rik va boshqa qishloq xo‘jaligi mahsulotlari, metallurgiya sanoati uchun qazib olingan ruda xom ashyo bo‘lib hisoblanadi. Ishlab chiqarish jarayonida xom ashyoga birlamchi ishlov berilib, iste’mol qilishga yoki keyinchalik sanoat maqsadi uchun ishlatishga tayyor holga keltiriladi. Xom-ashyo ishlab chiqariladigan mahsulotlarning moddiy asosini tashkil qiladi.

Materiallar - ishlab chiqarish jarayonida dastlabki ishlov berishdan o‘tgan va mehnat ta’siriga uchragan buyum sanaladi. Materiallar ishlab chiqarish jarayonida bajaradigan funksiyasiga qarab asosiy va yordamchi materiallarga bo‘linadi.