«ишлаб чиқариш инфратузилмаси» фанидан маърузалар матни

Назорат учун саволлар:

1. Касаба уюшмалари нима ва уларнинг қандай асосий вазифалари мавжуд?

2. 
   Касаба уюшмалари фаолиятининг қандай асосий принциплари мавжуд?
   
3. 
   Ишлаб чиқариш инфратузилмасида касаба уюшмалари ва унинг функциялари нимада?
   

4. Ўзбекистон касаба уюшмалари федерацияси фаолияти ва унинг вазифаларини тавсифлаб беринг.

5. Ишлаб чиқаришни ташкил этишда касаба уюшмаларининг қандай асосий ҳуқуқлари белгиланган?

6. Касаба уюшмаларини ишлаб чиқариш инфратузилмасини ташкил этиш ва ривожлантиришдаги роли қандай?

7. Ишлаб чиқаришни ташкил этишда касаба уюшмалари фаолиятининг қандай ҳуқуқий асослари бор?

11-мавзу. Минтақаларда ишлаб чиқариш инфратузилмасини ривожлантириш йўллари


Режа:

1. 
   Минтақаларда ишлаб чиқариш инфратузилмаси тушунчаси ва унинг асосий хусусиятлари.
   
2. 
   Минтақа инратузилмасини ривожлантиришда давлат ва маҳаллий ҳокимият органларининг роли.
   
3. 
   Ўзбекистон ҳудудларида ишлаб чиқариш инфратузилмасини ривожлантиришда хорижий инвестициялар.
   

1.Минтақаларда ишлаб чиқариш инфратузилмаси тушунчаси ва унинг асосий хусусиятлари.
Президентимиз И.А.Каримов таъкидлаганларидек, “Бугун мамлакатимизни модернизация қилиш ва янгилаш, иқтисодиётимизнинг сифат жиҳатдан янги, замонавий таркибий тузилмасини шакллантириш, ҳудудларимизни комплекс ривожлантириш бўйича барча режаларимизнинг муваффақиятли амалга оширилиши инфратузилма тармоқларини юксак суръатлар билан ривожлантиришга узвий боғлиқ”⁶.
Ишлаб чиқариш инфратузилмаси минтақа иқтисодиётини ривожлантиришнинг асосий омилларидан бири ҳисобланади. Минтақа ижтимоий-иқтисодий муҳитининг яшовчанлиги кўп жиҳатдан минтақа инфратузилмасининг ривожланиш даражасидан боқлиқдир.
Минтақа инфратузилмаси (ҳудудий инфратузилма) – бу минтақа ҳудудида моддий ишлаб чиқаришни самарали фаолият юритиши, барча турдаги товар ва ресурсларнинг эркин ҳаракатланиши ва аҳолининг нормал муҳитда яшаши учун зарурий шароитларни яратишни таъминлаб берадиган иншоотлар ва фаолият турлари комплекси.
Минтақанинг ижтимоий-иқтисодий самарадорлиги ва унинг рақобатдошлиги унда ишлаб чиқариш инфратузилмасини ривожланиш даражасидан боғлиқдир.
Минтақаларда ишлаб чиқариш инфратузилмасининг бозор муносабатлари тизимидан ўрни унинг қуйидаги уч энг муҳим функциялари билан белгиланади: